Sozdar Avesta: PDK’ê rêya xwe şaş kiriye û bûye dîlê Tirkiyê

Endama Konseya Serokatiya Giştî ya KCK’ê Sozdar Avesta da zanîn ku PDKê rê û rêbazên niha dide meşandin, ên şerê taybet û feraseta faşîzma Erdogan û Bahçelî ne. Sozdar diyar kir ku PDKê bi vî rengî xwe tune dike û li hemberî yekîtiya neteweyî sûcekî dîrokî dike. 

“PDK’ê rêya xwe şaş kiriye û ketiye ser rêyeke metirsîdar.”

Endama Konseya Serokatiya Giştî ya KCK’ê Sozdar Avesta vê yekê dibêje ku dewleta Tirk, PDK dîl girtiye û ya dawî xizmeta dijminê Kurdan dike.

Sozdar, siyaseta PDK’ê bi ya metirsîdar pênase kir û destnîşan kir ku PDK’ê li hemberî yekîtiya neteweyî sûcekî dîrokî dike û bi êrîşa li dijî PKK xwe tune dike.

Sozdar Avesta: PDK’ê li hemberî yekîtiya netewî sûcekî dîrokî dike

Sozdar Avesta got:

PDK ji Xakûrkê bigire heya Heftanînê, ji Metîna bigire heya Çiyayê Şengalê xiste bin êrîşên dewleta Tirk û dixwaze bi xwe êrîşî Gerîlayan bike û dora wan bigire.

PDK rêya xwe şaş kiriye û xwe pêşkeş dike.

Niha jî berê Iraqê dide ser Şengalê û dibeje peymana qirker pêk bîne.

Ji Tirkan re jî dibêje tu jî were. Divê PDK siyaseta xwe yê çavsor û teng bide sekinandin.

Ev berjewendiyên bi vî rengî hatiye asta herî dawî.

Ev xwepêşandanên li Başûr rû didin di encama siyaseta PDK de ne ku bi dewleta Tirk re ketiye nava gemarê.

Endama Konseya Serokatiya Giştî ya KCK’ê ji PDK’ê xwest ku bi rengê demokrasiyê nêz bibe, bi diyalogê nakokiyan çareser bike û divê xwe biguherînin û hesab bidin.

Sozdar Avesta: Divê PDK’ê nebe hevkarê qirkirina civaka Êzidî

Her wekî Sosdar bang kir ku divê PDK, dev ji hevkariya dewleta Tirk berde û li dijî dagirkeriya wê helwesta xwe diyar bike, da nebe hevkarê qirkirina civaka Êzidî û destkeftiyên gelê Kurd.

Sozdar Avesta da zanîn ku PDKê vîna xwe teslîmî Tirkiyê kiriye û rêbazên niha dide meşandin ên şerê taybet û feraseta faşîzma Erdogan û Bahçelî ne.

Sozdar Avesta: Tişta Erdogan li ser Şengalê dike wê sibê li ser Kerkûk, Mûsil û Til Eferê jî bike

Her wiha Sozdar îşaret bi planên dewleta Tirk a dagirker li ser Şengalê jî kir û wiha da zanîn:

Îro tişta ku Erdogan li ser Şengalê dike wê sibê li ser Kerkûk, Mûsil û Til Eferê jî ferz bike.

Di heman demê de wê li ser Başûrê Kurdistanê bisepîne û ji niha de jî sepandiye.

Ji bo Iraq hinek dem ji xwe re veqetîne û ji bo pêşî li vê hegemonyayê bigire, weke Şengal dike qurban.

Ev jî xwexapandinek e, Iraq bi vî rengî xwe dixapîne.

Parçeyek ji axa Iraqê biçe wê sibe hemû beşên din yên Iraqê li ser hev biçin.

Divê Iraq bi civaka Êzidî re li hevhatinekê li ser mafê civaka Êzidî û stratejîk çêbike û vîna gelê wê nas bike.

Back to top button