Dagirkeriya Tirk şevê din careke din gundên Eyn Îsayê da ber topan. Ji fermandarên QSDê Ziyad Heleb da zanîn ku di encama êrîşên du rojan de 12 çete hatin kuştin û erebeyeke leşkerî ya çeteyan hate rûxandin. Berdevkê QSD’ê Kîno Gabrîel jî, ji Televzyona me Ronahî TV re îdîyên dagirkirina 2 gundên Eyn Îsayê red kir û destnîşan kir ku Rûsiya li gorî berjewendî û planên xwe li herêmê tev digere.
Bi temaşekirineke Rûsî û hovîtiyeke Dewleta Tirk, êrîş ji ser navçeya Eyn Îsayê ranewestiyane.
Piraniya gundên li ser M4 ya navdewletî dibin armanca êrîşan û yê herî dawî jî gund Cehbel ê 3 KM li Rojihlatê navçeyê ye.
Li gorî agahiyan, gelek çete ketina xefikên Hêzên Sûriya Demokrtîk û windahiyên mezin di nava wan de çêbûne.
Bi pêkanîna êrîşên li ser erdê re, ragihandin û malperên bi ser Dewleta Tirk, gelek nûçeyên têkildarî eniya Eyn Îsayê belav kiribûn û idia kiribûn ku “gundên Cehbel û Mişêrfa bi dest xwe xistine”
Kîno Gabrîel: Gundên Cehbel û mişêrfa nehatine dagirkirin
QSD”ê ji Ronahî TV re ragihand ku ev agahî ne rast in û armanc jî tirsandina xelkê ye.
Ti guhertin di nuqteyên me de çênebûne û êrîşên dagirkeriya Tirk jî negihştiye aramnca xwe û ti gund dagirnekirine û pêşed neketine.
Ew dîmenê ku dezgehên ragihandina Tirk belav kirin û îdîa kirine di çarçoveya şer tayebet de ye.
Bi vê yekê hewl didin di nava şêniyan de tirs û tevliheviyê derxînin.
Kîno Gabrîel: Rûsiya li gorî berjewendiyên xwe li herêmê tev digere
Li ser erdê jî, top li nêzî xalên Rûsyayê dikevin, lê Rûsya bêdeng e û bi vê yekê re peymana agirbestê ku Rûsya serperştiya wê dike, têk diçe û tu rolekê nalîze.
Hêzên Rûsî li nevçeyê ne û berpirsyariya wan e ku derverê ji êrîşên Tirkiyê biparêzin.
Lê mixabin li gorî ku tê xwestin me heta niha ti helwesta Rûsiyayê li hemberî êrîşan nedîtiye.
Ew di vê demê de li gorî berjwendî û planên xwe li herêmê tev digere.
Berî çend rojan jî, Hevseroka MSD’ê Emîne Omer diyar kiribû ku Rûsya zextê li QSD”ê dike da wê herêmê radestî Hikûmetê bike.
Ji xwe ev êrîş jî, hemwextî valakirina baregehên Dewleta Tirk li Idlibê û sepandina cezayên Amerîkî û Ewropî li dijî Tirkiyê pêk tên.
