Çalakiya Konvedanê ya şêniyên Şengalê ya li dijî peymana dagirkirina Şengalê, dewam dikin.
Çalakiya ku xelkê Şengalê bi armanca destekdayîna Asayişa Êzidxanê daye destpêkirin, di roja xwe ya 22’ê de û ji aliyê meclis û saziyên Şengalê ve dewam dike.
Di çalakiyê de, endama Meclîsa Jinan a Borik Maya Şengal piştrast kir ku ewê weke jin, zarok û kal,wê heya dawî li ber xwe bidin, ji ber ku hêza asayişa wan, ji bo civaka Êzidî mijarek hebûn û nebûnê ye.
Her wiha çalakvanan jî, diyar kir ku heta daxwaziyên wan pêk neyên wê çalakî bi dawî nebin.
Xelkê Şengalê kom bi kom serdana konê berxwedanê dikin û piştgiriya xwe ya ji bo çalakiyê tînin ziman.