Rûspiyên eşîrên Dêra Zorê destnîşan kir ku armanca êrîşên suîqestê yên li dijî kesayetên eşîr û rêveberiya sivîl, têkbirina Rêveberiya Xweser û derxistina fitneyê ye. Rûspiyan teqez kir ku ew ê li hemberî planên ku herêmê dikin armanc, bisekinin û her li kêleka QSDê bin.
Hewldanên derxistina fitneyê û têkbirina ewlehiya herêmê, bûye siyaseta her aliyê ku têkçûna Rêveberiya Xweser dixwaze.
Dewleta Tirk û çeteyên xwe ji hêlekê, hikumeta Şamê û dûvikên xwe jî ji hêleke din.
Jixwe niha ev yek bi rêya armanckirina şêx û rûspiyên herêma Dêra Zorê pêk tê.
Di van demên dawî de, rûspiyên eşîran ên ku li meclisên herêmî yên Dêra Zorê dixebitin, dibin armanca van aliyan.
Rûspiyê eşîra El-Xubrat a Dêra Zorê, Dehbel El-Xubra kirinên kuştinê û aliyên ku destekê didin terorê şermezar kirin û diyar kir ku armanca wan têkbirina Rêveberiya Xweser û belavbûna fitneyê di nav eşîran de ye.
Em bi tundî van kirinan şermezar dikin.
Ev sûc li dijî kesên ku di nava Rêveberiya Xweser de kar dikin tên kirin.”
Armanca wan jî têkbirina Rêveberiyê û belavkirina fitnê di nava xelkên herêmê û Rêveberiya Xweser e.
Ji ber ku ev kesên van kirinan dikin, qet fikrê Rêveberiya Xweser qebûl nakin.
Herêma Dêra Zorê herêmeke zengîn e, ji ber vê yekê dibe armanca wan.
Em bang li dewletên heval û koalisyonê dikin da sînorekî ji van sûcan re deynin.
Rûspiyê eşîra Şiêtat, Umer Ebdulrezaq El-Behr û Rûspiyê eşîra El-Bixul, Ebdullwehab El-Hemûd yên heman deverê jî destnîşan kir ku bi xurtkirina hevkariyê di navbera rêveberî û eşîran de, dê tevahî planên ku aramiya herêmê dikin armanc, werin têkbirin.
Serokeşîra El-Sayil, Hemada Ebdulezîz sûcên kuştinê ku li Dêra Zorê têne kirin red kir û teqez kir ku ew ê li kêleka gelê xwe mil bi mil van planan hilweşînin.
Em bi ti awayî kuştina şêx û rûspiyên eşîran qebûl nakin.
Bila dijmin xweş bizane ku em ê heta dawî piştgiriya QSD û Rêveberiya Xweser bikin.
Je ber wan tenê hêrêmên me ji çeteyan rizgar kir û parast.
Em ê li kêleka gelê xwe mil bi mil van planan hilweşînin.
Em ji bilî aştî û aramiyê teştekî din naxwazin.
