Rûsya ji bo dirêjkirina peymana “New START” heta 5 salên din îmze kir

Peymana Kêmkirina Çekên Stratejîk yên Nû (New START) derbasî qunaxeke nû bû.
Yek ji mijarên herî zêde di serdema Rêveberiya nû ya DYA Joe Biden de dihat mereqkirin peymana New START bû.
Ji ber her ku derbas dibe, peyman derbasî qonaxeke nû dibe.
Piştî peywendiya Biden bi serokê Rûsya Vladimir Putîn re, dirêjkirina dema peymanê ji bo 5 salên din hate îmzekirin.
Ev peyman jî weke peymana herî dawî ya çekên nûkleerî navbera Waşîngton û Moskovayê de ye.

Di navbera Amerîka û Rûsyayê de li ser hilberîna çekên nû peyman hate îmzekirin.

Peymana Kêmkirina Çekên Stratejîk yên Nû (New START) ya di navbera DYA û Rûsyayê de yek ji xalên mereqê bû ku wê Rêveberiya Nû ya Waşîngton xwedî helwesteke çawa be.

Joe Biden beriya niha diyar kiribû ku ew ê li ser peymana ku 5’ê Sibatê bi dawî bibe û ji bo 5 salên din were dirêjkirin, bixebitin.

Pisporan jî anîn ziman ku ji bo Waşîngton bandora xwe ya li Moskova zêdetir bike wê hewil bide dema peymanê kêm bike.

Beşekî rêveberiya Biden li ser kêmkirina dema peymanê helwesta xwe diyar kiribûn.

Serokê DYA dema hat ser erk 26’ê Çile bi serokê Rûsya Vladimir Pûtîn re cara yekem peywendiyek telefonê pêk anî.

Piştî vê yekê Koşka Spî têkildarî Peymana Kêmkirina Çekên Stratejîk yên Nû bi daxuyaniyeke nivîskî ev agahî dabû:

Di rojên pêşiya me de wê alî, ji bo kêmkirina cebilxaneyên moşekên nûkleerî ya di navbera herdu aliyan de xebatek were meşandin.

Serokê DYA yê berê Donald Trump piştî ku 2’ê Tebaxa 2019’an ji peymana Hêzên Nukleerî yên Navîn (INF) vekişiya, tê zanîn di navbera Moskova û Waşîngtonê de pehmana herî dawî ya çekên nûkleerî START a Nû mabû.

Serokê Rûsya Vladimir Pûtîn biryara, Peymana Kêmkirina Çekên Stratejîk yên Nû ku heta 5 salên din dema wê dirêj dike îmze kir.

Di daxuyaniya ji aliyê Kremlînê ve hatî kirin de jî hate gotin,

Pûtîn, peymana START a Nû heta 5’ê Sibata 2026’an hatiye dirêjkirin.

Sekreterê Giştî yê NATO Jens Stoltenberg bang li herdu welatan kiribû ku dema peymana START a Nû dirêj bikin.

Peymana Kêmkirina Çekên Stratejîk yên Nû (The New Strategic Arms Reduction Treaty, New START) di serdema Barack Obama de 8’ê Nîsana 2010’an li Prag hate îmzekirin û 5’ê Sibata 2011’an ketibû meryetê.

Peymana ku 10 salan dema xwe heyî, dewamiya peyana START 1 ya 1991’an despê kirî û 2009’an bi dawî bûyî bû.

Back to top button