900 hezar belge ji nava Sûriyê gihîştin destê Komîteya Dad û Lêpirsînê ya navdewletî ku navê Beşar Esed li ser piraniya wan e û fermana girtin û kuştina xelkê dide.
Serokê Komîteyê eşker dike ku gelek delîl derbarê sûcên şer ên Beşar Esed hene û ev sûc ji yên li dijî Naziyan bêhtir.
“Beşar Esed ji Naziyan bêhtir sûc li dijî gelên Sûriyê kirine”.
Ev gotin ji Komîteya Dad û Lêpirsînê ya navdewletî hat dupatkirin.
Komîteyê bi hezarên belge, derbarê sûcên hikumeta Şamê der heqê Sûriyan de, belav kirin.
Li gorî kenala CBS NEWS a Amerîkî, 900 hezar belgeyên hikumeta Şamê ketine destê komîteya navdewletî û ev belge, tiliya hikumeta Şamê di sûcên li dijî mirovan de piştrast dikin.
Serokê meclisa Komîteyê yê berê Steven Rab teqez kir ku ev belge girêdayî Beşar Esed in, ji ber navê wî li ser wan heye û ji jor ber bi jêr ve hatine rêzkirin.
Rab eşkere kir, ev belge diyar dikin ku Esed bixwe stratejiya birêvebirina aloziya li welêt daniye û di belgeyan de, fermanên wî yên girtina xelkê hene.
Steven Rab eşkere kir ku gelek delîl derbarê sûcên şer ên Beşar Esed hene û ev sûc ji yên li dijî Naziyan bêhtir in û got:
Di nava sûcên ku hatine piştrastkirin, qirkirin, êşkence, destdirêjî û gelek cureyên tundiya zayendî hene.
Serokê meclisa Komîteyê Steven Rab da xuyakirin ku di wêneyan de diyar dibe ku kuştî rastî êşkenceyê hatibûn, ji ber ku laşên wan pir lawaz bûn û çavên piraniya wan hatibûn rijandin.
Ev belge bi rêya wênekêşekî leşkerî yê Sûrî ku navê Qeyser li xwe kiriye û ji bo kişandina wêneyên kuştiyan yên di zindanên veşartî yên hikuemta Şamê de hatibû erkdarkirin, hatine bidestxistin.
Qeyser wêneyên ku dikşandin li cem xwe kom dikirin û piştre karîbû ji Sûriyê derkeve û van wêne û belgeyan bigihîne Kongressa Amerîkî, tiştê hişt ku Amerîka cezayan bi navê Qeyser li ser Sûriyê bisepîne.
