Hate îddîakirin ku Heysem Topalca yê ku endamê MÎT’a Tirk e û di heman demê de yek ji berpirsê çeteyên DAIŞ û El Nûsrayê ye û dihat sûcdarkirin ku êrîşa Reyhanliyê organîze kiriye li bajarê Konya yê Tirkiyê bi awayekî bi guman miriye.
Dadgeha Almanyayê jî 10 sal û 6 meh ceza li serçeteyekî DAIŞ’ê birî.
Nêzîkatiya deweleta Tirk a li hember xwefiroş, sîxûran ewe ku, bi kartîne û piştre jî dikuje.
Yek ji wan sîxuran jî Heysem Topalca ye.
Kesekî ji Sûrî ye. Yek ji berpirsê çeteyên DAÎŞ û El Nûsrayê û bi MÎT’ Tirk re kar dikir.
Duh hate ragihandin ku seyera Heysem topalca û balhilgirek li bajarê Konya yê Tirkiyê li hevqelibîne û Heysem Topalca û 2 kesên welatiyên Sûrî ku pû re bûne mirin.
Her wiha hate ragihandin ku ajovanê barhilgir’ê bi navê Mûstafa Ûsta jî piştî ku îfadeya wî hate stendin, serbest hatiye berdan.
Lê dema navê Heysem Topalca ji raya giştî re hate parvekirin, herkes bi gûman nêzî vê bûyera trafîkê û kuştina Topalca bûn.
Ji ber ku yê ku di xeta Tirkiyê û Sûrî de çeteyên DAIŞ û El- Nûsra dibir û dianî, ticareta çek û diziya şûnwarên dîrokî dikir ew bû.
Weke fermandarê xeyalî û Yeşîl ê dûyemîn Endamê MÎT’ê dihat naskirin, gelek şahid û belge derketin holê ku ew ji MÎT’ê re dixebite.
Topalca ‘bersûcê firarî’ yê ji ber qetlîama Reyhanliyê ya di sala 2013’an de ku 53 kes hatibûn kuştin û êrîşa DAÎŞ’ê ya di Adara 2014’an de li Ûlûkişlaya Nîgdeyê hatibû kirin û di Kanûna 2015’and e 12 salan ceza lê hatibû birin.
Li gel vî cezayî Topalca tevî gelek kesan bi wesayîtan digeriya û ev jî têkiliya wî ya bi dewleta Tirk re eşkere dike.
Tê diyarkirin ku Topalca di navbera salên 2011-2014’an de herî kêm 873 caran ketiye Tirkiyeyê û derketiye.
Di 7’ê Mijdara 2013’an de li Edeneyê di doza TIR’ê de tevî 953 hawan û 10 serikên fuzeyan hatibû girtin, piştî îfadeyê jî serbest hatibû berdan.
Dadgeheke Almanya 10 sal û 6 meh ceza li serçeteyekî DAIŞ’ê birî
Her wiha Almanyayê jî serçeteyekî DAIŞ’ê yê bi navê Ehmed Abdulezîz Abdullah ku tevna tundraw li Ewropayê bi rê ve dibir û ciwan dişandin Sûriye û Iraqê derket pêşberî dadgeha Almanya.
Dadgehê jî 10 sal û 6 meh ceza li serçeteyê DAIŞ’ê birî.
