YRJ: Ev sûc careke din metirsiya DAIŞ’ê li ser jinan nîşan dide

Koordînasyona Meclisa Yekîtiya Ragihandina Jin der barê êrîşa DAIŞ’ê ya li dijî hersê xebatkarên jin ên kanala Efxanistanê tekez kir “Ew ê her deverê bişopînin û sûcên li dijî jinan pêk tên, ji raya giştî re eşkere bikin.”

Koordînasyona YRJ’ê bi daxuyaniyekê ev sûc şermezar kir û tekez kir “Divê hemû rojnamevan li hemberî vê buyerê bê-deng nemînin.”

YRJ’ê, piştrast kir “Ev bûyer careke din xeteriya DAIŞ li ser cîhanê, bi taybet li ser jinan nîşan dide” û bi bîr xist “Li herêmên Bakur û Rojhilatê Sûriyê û Kurdistanê jî rojnamevanên ku têkoşîna li dijî DAIŞ’ê kêlî bi kêlî şopandin û rêya rojnamegeriyê ronî kirine, hene.”

YRJ’ê, banga lêpirsîna dewletên ku DAIŞ’ê xwedî dikin kir û tekez kir “Divê aliyên elaqeder jî bi erkê xwe rabin.”

2’ê Adarê li Rojhilatê Efxanistanê 3 xebatkarên ragihandinê bi rengekî hovane hatin kuştin û çeteyên DAIŞ’ê ev sûc li xwe girt.

Back to top button