Ên ku hewl didin aramiya herêmê û hevgirtina pêkhateyên wê xerab bikin gelek in, lê yên ku li pey van kesan in, rê li ber gelek ji van hewldanan girtine û hîna jî digirin, gelektir in. Endamekî koma “Dîfa El-Wetenî” ya girêdayî Hikumeta Şamê; piştî hat girtin, berpirsên çandina mayîn û teqînên li bajarê Hesekê, hûtgulî û armancên van kirinan, eşkere kirin.
Dema ku teqîn li pey teqînê li bajarê Qamişlo û Hesekê pêk dihatin, helbet di bîra me tevda de ye.
Ji bo naskirina sûcdaran jî, hêzên ewlehiyê her tim li ser darê lingan in û bênavber dixebitin.
Ji bo hûrgilî û aliyên ku hin teqîn li bajarê Hesekê pêk anîne, Ajansa nûçeyan ANHA’yê xwe gihand şahidekî van sûcan û gelek agahî jê girtin.
Ev e, Mihemed Mehmûd El-Ibeyd bi nasnav (Ewêla), berpirsê komeke çekdar a girêdayî hikumeta Şamê “El-Dîfa El-Wetenî” ye.
Li gorî Ewêla, koma berpirs a teqîn û çandina mayînan li bajarê Hesekê girêdayî “Dîfa El-Wetenî” û berpirsê wê Abdullqadir Hemo ye.
Ev kom a Abdullqadir Hemo ye û ji 4 kesan pêk tê.
Ewêla tekez kir ku teqînên li bajarê Hesekê, yekser bi fermanên Abdullqadir Hemo bûn.
Ebû Yehya ji Hemayê hat. Abdulqadir Hemo ew ji bo çaksazkirina çekan û çêkirina teqemeniyan anî.
Ebû Yehya jî, navê wî Ebdil Îlah Ferec El Yehya ye.
Di Dîfa El Wetenî de ye û li Çargoşeya Ewlehiyê, bi giştî bi navê Ebû Yehya tê naskirin.
2014’an, bi Ebû Siûd re hat û ew radestî Abdulqadir Hemo kir û jê re got karî vî kesî çêkirina çek û hemû cureyên teqemeniyan e.
Ebû Yehya teqemenî hazir kirin, yek radestî Ehmed Esriye û yek jî radestî Eymen EL Şerabî kir.
Ewêla dibêje: “Kesên ku teqîn pêk tanîn, Ehmed Esriye û Eymen El-Şerabî ne.
Ez şahidê pêkanîna du teqînan bûm. Ya yekemîn li taxa El-Neşwa û ya duyemîn jî teqandina erebeyeke YPG’ê li taxa El-Nasra bû.”
Ev koma bi navê Dîfa El-Wetenî ku Mihemed jî endamekî wê ye, komeke çekdar girêdayî hikumeta Şamê ye û erka wê ya sereke jî têkbirina aramî û ewlehiya li herêmê ye.
Tevlîheviya dawî ya vê komê li bajarên Qamişlo û Hesekê, mînakên berbiçav ên vê gotinê ne.