Koma Komela Dadgerî ya Parlamentoya Başûrê Kurdistanê bang li Serdozgerê Giştî kir ku ji bo doza çalakvan û rojnamegerên Behdînanê bi rola xwe rabe.
Li Hewlêrê Serokê Koma Komela Dadgerî ya Kurdistanê ya Parlamentoya Başûrê Kurdistanê Ebdulstar Mecîd serdana Serdozgerê Giştî yê Başûrê Kurdistanê kir.
Serokê Koma Komela Dadgerî Ebdulstar Mecîd paşê li ber Serdozgeriya Başûrê Kurdistanê ji çapemeniyê re axivî.
Ebdulstar Mecîd got ku divê biryara cezakirina çalakvan û rojnamegerên Behdînan li ber çavan re were derbaskirin.
Mecîd diyar kir ku biryara cezakirina çalakvan û rojnamegeran ne rawa ye.
Ebdulstar Mecîd daxwaz ji Serdozgerê Giştî yê Başûrê Kurdistanê kir ku ji bo doza çalakvan û rojnamegerên Behdînanê rola xwe bilîze û helwesta xwe derbarê pirsgirêkê de eşkere bike.
