Faşîzma AKP ji bo girtina HDP’ê hemû rê û rêbazan bikar tîne.
Berdevka HDP’ê Ebrû Gunay, bal kişand ser îdînameya têkildarîdarî girtina HDP’ê ya AYM’ê û got:
Mijarekê tenê jî HDP’ê sûcdar bikin, li holê tuneye.
Ji ber vê bi dosyeya bi lez û bez û îdîayên ku bêbingeh amadekirin, li ser sûc hatin girtin.
Hevşaredarê Şaredariya Bajarê Mezin a Amedê Selçûk Mizrakli ku girtî ye, ji ber salvegera roja ku mezbate girt dîmenek parve kir û got:
Em ê Amedê ji dagirkirina qeyûm xelas bikin.
Berdevka Partiya Demokratîk a Gelan (HDP) Ebrû Gunay, di civîna çapemeniyê ya li Navenda Giştî ya partiyê li dar xist de, mijarên di rojevê de nirxandin.
Ebrû Gunay têkildarî salvegera referandûma 16’ê Nîsana 2017’an, nirxandin kir.
Bi ser vê werçerxa tarî ya ku AKP û MHP’ê ferzî welat kir re 4 sal derbas bûn.
Gotin, ew ê welat bilind bikin, bifirînin, lê va ye rewşa Tirkiyê li holê ye.
Di oxira qesran û seltenata xwe de, tu xirabiyek ne ma ku li vî welatî nekirin.”
Duh Dadgeha Qanûna Bingehîn, biryara hincetê ya îadekirina îdîanameya derbarê girtina partiya HDP’ê de, aşker kir.
Gunay dazanîn ku bi vê îdîanemeyê, li holê ti sûcek tuneye.
Armanca wan ew bû ku zexta siyasî li darazê bikin. Mijarekê tenê jî HDP’ê sûcdar bikin, li holê tuneye. Ji ber vê bi dosyeya bi lez û bez û îdîayên bêbingeh amadekirin, li ser sûc hatin girtin. Plana li dijî partiya me siyasiye û divê ev dosye bêyî ku carekdin bê vekirin, bê girtin.
Gunay: 141 roje girtî li dijî tecrîdê di çalakiyê de ne
Yek ji mijarên sereke yên di rojeva HDP’ê de, zextên li ser girtiyan û çalekiyên greva birçîbûnê bûn.
141 rojin girtî li dijî tecrîd û pêkanînên bêhiqûqî di greva birçîbûnê de ne. Bi hezaran girtî, bedena xwe ji birçîbûnê re razandine. Daxwaza sereke ya girtiyan ji holê rakirina tecrîda li ser Birêz Abdullah Ocalane. Tecrîda ku li tevahiya welat belav bûye, divê bê rakirin.
Mizrakli: Em ê Amadê ji dagirkirina qeyûm xelas bikin
Li aliyekî din Hevşaredarê Şaredariya Bajarê Mezin a Amedê Selçûk Mizrakli ku girtî ye û qeyûm danîne şûna wî, ji ber salvegera roja ku mezbate wergirt li ser hesaba xwe ya medya civakî parvekirinek kir.
Di vîdeoya ku li ser hesabê Mizrakli hatiye parvekirin kir de, ketina şaredariyê ya bi girseyî ya piştî mazbata girtinê û beşeke ji xebatên kiriye cih girt.
