Di 11 rojan de 66 jê zarok 284 Filistînî hatin kuştin

Tevî gefxwarin û metirsiya heyî agirbesta navbera Îsraîl û Filistînê de didome.
Bîlançoya şerê 11 rojan jî girane.
66 jê zarok 284 Filistînî hatin kuştin û bi hezaran avahî wêran bûne.
Tevî vê yekê Îsraîl û Hemasê serkeftina xwe ragihandin.

Di navbera Îsraîl û Filistînê de her çiqasî agirbest hatibe ragihandin jî lê metirsiya derketina şerekî dijwar her heye.

Rayedarên Xezayê jî dibêjin ji ber şerê di navbera Îsraîl û Hemasê de 66 jê zarok 284 Filistînî, hatin kuştin.

Li gorî AFP`ê polîsên Îsraîlê ragihand ku ber bermahiyên moşekên ku ji Xezayê ve hatine avêtin, 12 kes di nav de zarok, jineke ciwan û leşkerek hatin kuştin.

Piştî ragihandina agirbestê, aliyan serkeftina xwe ragihandin ku îdia dikin ew gihaştine armancên xwe.

Hemas û Îsraîlê serkeftina xwe ya şer ragihandin!

Serokê Nivîsgeha Siyasî ya tevgera Hemasê Îsmaîl Heniye ew bi serkeftineke stratejîk bi nav kir û got:

Me derbeyeke biêş û dijwar lê da û dê bandorên wê li ser Îsraîlê kûr bin.

Serokwezîrê Îsraîlê Benjamin Netanyahu jî diyar kir ku Îsraîlê armanca xwe ji vî şerî bi dest xist û bi serkeftineke bêhempa binav kir û got:

“Zêdetirî 200 terorîst, di nav de 25 kadro, hatin kuştin.”

Li gel gefên her du aliyan agirbest ji saet 02:00’ê berbanga doh ve hatî ragihandin dewam e.

Gantz: Heta leşkerên Îsraîlê neyên berdan wê alîkarî negihêje Xeza yê

Wezîrê Parastinê yê Îsraîlê Benny Gantz di axaftinek xwe ya li gel dezgehek ragihandinê ya welat (KAN) axivî.

Benny Gantz îşaret bi dîlên Îsraîl yên di destê Hemasê de kir.

Ji ber êrişên dawiyê, 1800 avahî hilweşiyan. Bi hezaran jî ziyan dît. Ji bo alîkarî bigihêje van deveran, pêwiste leşkerên me yên dîlgirtî ku li gel Hemasê ne werin berdan.

Gantz diyar kir ku her çiqasî agirbest hatiye ragihandin jî lê ji fermandarên leşkerî yên Hemasê Mihemed ed-Dayf û Yehya es-Sînwar di hedefa wan de ye.

Ji 2014’an ve 4 leşkerên Îsraîlê di destê Hemasê de girtî ne.

Biden soza alîkariya ji bo Xezayê da

Serokê DYA Joe Biden di civîneke çapemeniyê de li Koşa Spî roja Înê gotibû ew hewl dide alîkariyeke madî ya mezin bi hevkariya civaka navneteweyî peyda bike da ku ji nû ve binesaziya Xezayê were avakirin lê bi şerta ku derfet ji Hemasê re neyê vekirin ku pergala xwe ya çekan ava bike.

Back to top button