Ji serokên mafya Tirkiyê Sedat Peker ku bi nîjadperestî û alîgiriya AKP’ê dihat naskirin di nava demên dawiyê de li dijî beşek ji endamên AKP’ê kiryarên wan eşkere dike.Wezîrê Karê Hindir yê Tirkiyê Suleyman Soylu yê ku herî zêde di hedefa Peker de ye, xwest îdayên derbarê xwe de vale derbêxe.
Lê li cihê valederxistinê, Soylu ket ber guhertina îdiayên derbarê wî de û mijar guhert.
Wezîrê Karê Hindir yê Tirkiyê Suleyman Soylu ji bo van îdiayên derbarê xwe de vale derbêxe beşdarî televsioneke Tirkiyê bû.
Rojnamevanan pirskir û Soylu jî wilda di çarçoveyek gilover de bersivê bide.
Kesên ku Soylu derbarê wan de îdia avêtin naverastê jî li ser hesabê xwe yên Twîtterê peyam li ser peyamê weşandin.
Kaftancioglu: Tevahî gotinên Soylu nerastin
Soylu li ser dayîna parêzvanan ji bo Canan Kaftancioglu ya CHP’yî got:
“Ji ber gef tinebû me parêzvanên ku ji bo Kaftancioglu dayî rakir.
Keseke ku gef li ser nebe çi pêwistî bi parêzvaniya ji bo wê heye?
Li ser van axaftinên Kaftancioglu bi peyameke Soylu bi derewîn binav kir.
“Derewker! Ger gef nebû (di vê navberê de ji wiya mezintir gef tineye) beriya wê ji ber çi min statuya parêzvanên taybet girtiye? Ger piştre dem were dayîn ez ê mafê xwe yê bersivdayînê bikar bênim.”
Rêxistina Efû ya Navnetewî ji bo Soylu: Fikarên me yên êşkence, danûstandinên xerab û windahiyên bi zorê hene
Wezîr Soylu li cihê eşkerekirina bûyeran careke din ket ber veşartina rastiya heyî û pirsên heyî bê bersiv hiştin.
Soylu di axaftina xwe de got, “Ew rasta rast mixatabê Rêxistina Efû ya navnetewî ye” û îdia kir ku li girtîgehên Tirkiyê di nava 4,5 salên dawiyê de qet rexneyek ji bo êşkenceyê ne hatiye.
Rêveberê Ragihandin û Kampanya Rêxistina Efû ya Navnetewî Tarik Beyhan jî piştî van axaftinan bersiva Soylu bi van gotinan da:
“Berovajî îdiayên birêz Soylu, fikarên me yên êşkence, danûstandinên xerab û windahiyên bi zorê hene. Ez li vir parve dikim.
Beyhan têkildarî êşkence, revandina kesan û danûstandinên xerab rapora ku Rêxsitina Efûya Navnetewî derbarê Tirkiyê de amadekirî jî weşand.”
Partiya Gelecek: Gotinên Soylu tenê xwe xelaskirine
Soylu yê hevalê xwe yê berê Ehmed Davutoglu rexnekirî jî wiha got:
“Sal 2015. Serokwezîr Ehmed Davutoglu ji bo hilbijartina 7’ê Hezîranê di civîna MKYK de nirxandinek kir û gotinek “em dikarin bi HDP’ê re Destûra Bingehîn ava bikin” derket.”
Bersiva vê yekê jî ji Berdevkê Partiya Gelecekê Serkan Ozcan hat.
Ozcan di peyama li ser hesabê xwe yê Twîtterê de ev tişt anî ziman:
“Suleyman Soylu li cihê hesab bide, ketiye li pey rêyên xwe xelaskirin û rojev guhertinê. Têkildarî hemû îdiayên ku derbarê birêz serokê me de, derew û nerastin. Em daxwaz dikin ku di heman qenalê de, bi heman rojnamevanan re birêz Davutoglu sibe şev mafê xwe yê bersivdayînê bikar bîne.”
