Li aliyeke danûstandinên navbera DYA û Îranê li Viyana dewam dikin, li aliyê din jî fikarên li ser tevgera Tahranê di hilberîna uranyumê de jî zêdetir bûye.
Saziya Enerjiya Atomê ya Navnetewî (IAEA) ragihand ku Îranê 16 qat zêdetir sînorê depokirina ûranyumê pêk aniye. Rêveberên saziyê fikarên xwe yên metirsîdar jî anî ziman.
Di demek danûstandinên vegera li peymana nukleerî ya navbera 4 + 1 welatên (Çîn, Fransa, Almanya, Rûsya, Îngilistan û Îranê) de ku li paytexta Awûstûrya Viyanayê tê kirin de, Saziya Enerjiya Atomê ya Navnetewî (IAEA) daneyên depokirina ûranyuma dewlemendkirî ji aliyê Îranê ve eşkere kir.
Di daxuyaniya ku ji aliyê saziyê ve hatî dayîn de, hat destnîşankirin ku Îranê zêdeyî 16 carî ji sînorê stoka ûranyuma dewlemendkirî derbas kir.
Ev rêje di çarçoveya Plana Çalakiya Hevpar (JCPOA) de hatibû pejirandin.
Saziyê diyar kir ku stoka ûranyuma dewlemendkirî ya Îranê ji 22’ê Gulanê ve li dora 3,241 kîlo hate texmîn kirin.
Ev rêje ji sînorê di çarçoveya Plana Çalakiya Hevpar JCPOA ya 202,8 kîlo derbas kirî bû.
Wekî din, saziyê destnîşan kir ku hilberîna ûranyumê ya 18’ê Gulanê hat piştrast kirin, lê nekarîne daneyên giştî ya depokirina wê hîn bibin.
Di raporek cuda de ku bi hûrgulî bernameya nukleerê ya Îranê hate vegotin de, hate diyarkirin ku Tehran nekariye ji çavdêrê Neteweyên Yekbûyî re şîrove bike ka çima şopên madeya nukleerî li deverên di bin venêranê de hatine dîtin.
Rêveberê Giştiyê Ajansa Atomî Rafael Mariano Grossi di raporeke xwe de got, Îranê piştî bi mehan hebûna parçeyên madeya nûkleerê daxuyaniyek pêwist neda.
Grossi ev yek bi “fikarek ji dil” binavkir û diyar kir ku danûstandinên teknîkî bi Îranê re encamên li bendê bûn dernexistine.
Ev yek jî bûye sedema di parvekirina rewşa heyî de direng bimênin.
