Ji bo girtina Partiya Demokratîk a Gelan HDP, faşîzma AKP û MHP’ê zextan li Dadgeha Destûra Bingehîn a Tirkiyê dike.
Li dijî vê yekê ji partiyên mixalîfê yên Tirkiye bertek derket.
CHP’ê, AKP bi guhertina rojevê tewambar kir û got:
Rojev ne girtina HDP’ê nelirêtî ne.
Partiyên Gelecek û DEVA jî da zanîn ku tola hilbijartinan ji HDP’ê tê girtin.
Bi daxwaza girtina HDP’ê careke din ji aliyê Serdozgerê Komarê yê Dadgeha Bilind Bekîr Şahîn ve dozname hat amadekirin û ji Dadgeha Destûra Bingehîn re hat şandin.
Parlamenter û nûnerên CHP, DEVA û Gelecekê berteka nîşanî girtina HDP’ê dan û destnîşan kirin ku tola hilbijartinan ji HDP’ê tê girtin.
CHP: Rojev nelirêtî ne, AKP dixwaze rojev biguhere
Parlamenterê CHP’ê yê Mersînê Alî Mahîr Başarir, diyar kir ku ew li dijî girtina partiyan e û ev tişt got:
“Li her dera welat nelirêtî, bertîl û bêedaletî heye. Em jî radibin girtina partiyeke ku koma wê heye nîqaş dikin. Li kîjan dera cîhanê hatiye dîtin ku partiyeke ku koma wê heye û ji sedî 12 deng girtî ye, hatiye girtin? Rojev xizanî, nelirêtî, wezîrên qirêj û partiyeke qirêj bûye ye.”
Partiya Gelecek: Tê xwestin tola hilbijartinan bê girtin
Alîkarê Serokê Giştî yê Gelecekê Ayhan Sefer Ustun dazaîn ku li dijî girtina partiyan e û têkildarî mijarê ev tişt anîn ziman:
“Wê pirsgirêk bi girtina partiyê çareser nebe. Doza girtina HDP’ê dozeke siyasî ye. Bi salan e girtiyan partiyan didome. Heke HDP’ê di hilbijartinên Stenbolê de piştgiriya Tifaqa Cûmhûr bikira wê îro bûne taca seriyan. Tola hilbijartinan jê tê girtin.”
Partiya Deva: Ne hiqûqî ye zexta siyasî ye
Alîkarê Serokê Giştî yê DEVA’yê Mehmet Emîn Ekmen jî da zanîn ku weke partî ew li dijî girtina partiyan e û ev nirxandin kir:
“Doza ku li HDP’ê hatiye vekirin ne pêwistiyeke hiqûqî û edlî ye, bi zexta siyasî û bi daxwazê hatiye vekirin. Di nav desthilatê de nîşanên gelek bazaran hene. Dibe ku ji bo reşkirina rojevê vê bikin. Ji ber ku em bi koalisyon û rêveberiyeke nezelal re rû bi rû ne.”
