Li Serê Kanî ya dagirkirî, çeteyên dewleta Tirk sivîlek li gundê Mehmûdiyê kuştin.
Li gorî agahiyên nûçegîhanê me ji çavkaniyên herêmî wergirtin, vê sibê kesê bi navê Ehmed El-Xezel ê ji gundê Mehmûdiyê ya girêdayî Serêkaniya dagirkirî, dema pezê xwe diçêrand, ji aliyê çeteyên dewleta Tirk ve hate gulebaran kirin.
El-Xezel, bavê çar zarokane û ji eşîreya Hereb e.
Heman çavkaniyê dan zanîn ku sedema kuştinê nakokiya di navbera wî û malbatên çeteyên bi zorê di malên gundiyan de bi cih bûne, pêk hatiye.
Hêjaye bibîr xistinê beriya hefteyekê jî li gundê Til Diyab a Serêkaniyê çeteyan welatiyê bi navê Mîzer El-Ilêwî kuştibûn.
