Li kampa Holê a ku bi hezaran malbatên DAIŞ’î lê dimînin dîsa penaberekî Iraqî hat kuştin, jinek Rûs û 2 jinên Libnanî birîndar bûn.
Penaberê Iraqî yê bi navê Besman Ehmed Xanim yê 29 salî li beşa sêyemîn a Kampa Holê hat kuştin.
Hate gotin ku, Besman guleyek di ser xwe de xwaribû.
Hemwextî kuştina Besman, jina bi navê Yelîna Aleksander ku bi eslê xwe Rûs e û dayika 4 zarokan e, hat birîndarkirin.
Li gorî agahiyên ku ji Kampê hatin bidestxistin, Yelîna ji aliyê jinên DAIŞ’ê ve bi kêr û çakûç hatiye birîndarkirin.
Jinên bi navê Ala’i Enderon û Maya Ehmed ku bi eslê xwe Libnanî ne hatin birîndarkirin..
Her du jin di serî û destên xwe de birîndar bûn.
Berî du rojan jî QSD’ê 4 çeteyan ku gelek bûyerên kuştinê yên li kampa Holê pêk anîbû, girtin.