Rûsya ji Konseya El-lekariyê ya NY`yê xwest ku dergeha Bab El-Hewa ya Idlibê ku bi biryara NY bi awayekî fermî vekiriye, were girtin.
Li aliyê din jî Sekreterê NY û nûnerên 30 welatan di dema çavên xwe ji rewşa li herêmên bakur û ROjhilatê Sûriyê digirin, dixwazin ku biryara vekirina dergehê Bab El-Hewa were dirêjkirin.
Dergehê Bab El-Hewa ya Idliba ku di bin dagirkeriya çeteyên Tirkiyê de ye Tekane dergehê Sûrî yê Fêrmî bi biryara Neteweyên Yekbûyî vekirî maye.
Balyozê Rûsya yê NY`yê Fasîlî Nîbînziya, îda kir ku mayîna dergeh vekirî binpêkirina serweriya Sûriyê ye û daxwaza girtina derî kir.
Di tîrmeha sala derasbûyî de Dergeha Bab El-Selame bi Vîtoya Rûsiya hate girtin, beriya wê jî dergeha Til Koçer a di navbera Bakurê Sûriyê û Îraqê de bi Vetoya Rûsiyayê hatibû girtin.
NY: Girtina dergeha Bab El-Hewa dê rê li ber bobelateke mirovî veke
Li aliyê din jî 30 welatên Cîhanê bi nameyeke hevbeş ji NY`yî daxwaz kir ku destûra vekirina dergehê Bab El-Hewa were dirêjkirin.
Sekreterê Giştî yê NY`yê Antonio Guterres di civîna Konseya Ewlekariyê de diyar kir ku ev dergeh tekane dergeha fermî bi biryara NY`yê bi Sûriyê re vekirî hatiye hiştin û girtina wê, dê rê li ber bobelateke mirovî veke.
NY û gelek welatên cîhanê bi vê yekê dixwazin zextê li Rûsiya bikin ku di civîna bê ya Konseya Ewlekariyê de veto li dijî vekirina dergeha Bab El-Hewa ku alîkarî di riya wê re derbasî Idlibê dibin, bi kar neyîne.
Gritina dergeha Til Koçer bandoreke neyînî li herêmên Rêveberiya Xweser kiriye
Tiştê balkêş ew e ku Sekreterê NY û Yekîtiya Ewropa ku hewl didin Dergeha Bab El-Hewa vekirî bimîne.
Li aliyekê din li beranberî herêmên Rêveberiya Xweser ku zêdeyî 5 milyon kes lê jiyan dikin û li şûna cîhan çeteyên DAIŞ`ê têk birin, bê deng e.
Bi girtina Dergehê Til Koçer ku bi vîtoya Rûsiya pêk hat, rewşa herêmên Rêveberiya Xweser ku kampa Holê jî di nav de gelek kampê din henerewşa mirovî ya herêmê û bi taybet a koçber û penaberan zehmetir bû.
Di sala 2014`an Konseya Ewlekariyê ya Navdewletî destûr da ku Til Koçer jî di nav de alîkariyên mirovî di 4 dergehan re derbas bibin.
Lê di destpêka sala derbasbûyî de ji ber Vîtoya Rûsiya û Çînê biayra girtina sê dergehan hate dayîn û tenê dergehê Bab El-Hewa vekirî hate hiştin.
Li gorî hin saziyên ragîhandinê tê texmîkirin ku Rûsiya careke din Vîto li dijî biryara vekirina dergehê Bab El-Hewa were dayîn.
