Toreya 16’an a civîna Astana tê lidarxistin

Mijara derbaskirina alîkariyan û vekirina dergehan di rojevê de ye.. Toreya 16’an a civîna Astana îro li Kazaxistan tê lidarxistin. Çavdêr jî dibêjin wê ev civîn ji yên beriya xwe ne cûdatir be.

Îro li Paytexta Kazaxistan toreya 16`an a civînên Astana ku qaşo ji bo çareserkirina aloziya Sûriyê têne, destpê kir.

Di civîna Astana de wê derketina hêzên biyanî ji Sûriyê were nîqaşkirin

Nûnerê Tirkiyê jî li kêleka yê Rûsiya û Îran beşdarî civînê bûne.

Li gorî hin raporan tê gotin wê di civînê de derketina hêzên biyanî ji Sûriyê, rewşa mirovî û çareseriya aloziya Sûriyê werin nîqaşkirin.

Lê çavdêr dibêjin her çendî wek caran16’an Rusya, Tirkiye, Hikûmeta Şamê û bi hev bicivin jî, wû encama vê civînê jî yên dîtir cûdatir nebe.

Di vê dema 3 welatên pîlanger li Astana dicivin, civîna Konseya Ewelekariyê ya NY`yî ji bo derbaskirina alîkariyên mirovî ji gelê Sûriyê re û mijara vekirina dergehên fermî di rojevê ye.

Mijara vekirina dergehan û derbaskirina alîkariyan di rojevê de ye

Norweç û Îrlanda çend roj berê pêşnûme ji NY`yî re pêşkêş kirin ku li kêleka Dergehê Bab El-Hewa ku bi Tirkiyê re vekiriye, dergehê Til Koçer û Bab El-Selama jî werin vekirin.

Rûsiya dixwaze hemû alîkarî di riya hikûmeta Şamê re derbas bibin

Lê deriyên Sûrî ji ber vetoya Rusya yê nayên vekirin.

Berdevkê Serokê Rûsiya ji karû berê Sûriyê Eliksender Lafrînêt derbarê mijarê daxuyaniyek da û got:

“Daxwaza Rûsiya ew ku mekînazmeya derbaskirina alîkariyan were rawestandin û hemû alîkariyên NY`yî di bin serweriya hikûmeta Şamê re derbas bibin.”

Beriya niha di mijara alîkariyan û dermanên ji bo Virûsa Korona Rêveberiya Xweser daxuyanî dan û got ku hikûmeta Şamê li gorî xwe tevdigere.

Li aliyê din jî çavkaniyan destnîşan kirin ku dewleta Tirk ji Rûsiya daxwaz kiriye ku rê nede biryara vekirina dergeha Til Koçer a bi herêmên Rêveberiya Xweser re fermî were vekirin.

Back to top button