Li girtigehên Tirkiyê zextên li ser girtiyan gihiştiye astekî herî jor.
Li Saziya înfaza Cezaya Tîpa F ya Hejmar Yek a Kandirayê tevî tundî û êşkenceyê, gardiyanan destdirêjî li Garîbe Gezer kiribûn.
Garibe daxwaz kir ku bûyerên bi serê wê de hatine bên bihistin.
Garîbe Gezer 5 sal in li Saziya Înfaza Cezayê ya Kayseriyê girtiye.
Her tim cezayên hucreyê lê hat birîn û ya dawî di 15’ê Adarê de hat dayîn.
Di vê pêvajoyê de surgunê Girtîgeha Tîpa F ya Hejmar Yek a Kandirayê hat kirin û 22 roj cezayê hucreyê wê diqede daxwaz dike biçe hucreya sê kesî.
Lê gardiyan wê dibin odeya sunger, li wir ji aliyê gardiyanên jin ve îşkence, tundiya zayendî û destdirêjî lê tê kirin.
Parêzer Eren Keskîn, Jiyan Tosun, Jiyan Kaya ku wekîlê Garîbayê girt ser xwe, di 20’ê îlonê de serlêdana sûc li dozgeriyê kirin û gotin:
” Divê berpirsyariyên bi ‘Peymana Mafê Mirovan a Ewropa û Peymana Neteweyên Yekbûyî ya li Dijî Ceza an jî Pêkanîna Biçûkxistin, Dijmirovahî û Zalim’ li ber çavan bê girtin û lêpirsînek bi bandor bê meşandin.”
Parlamenterê HDP’ê jî rewş birin rojeva meclîsê.
Parêzera Buroya Alîkariya Hiqûqî ya Li Dijî Destdirêjî û Destavêtinê, Jiyan Tosun der barê rewşa Garîbeyê de ji ajansa Jinnewsê re axivî.
Parêzer jiyan dibêje li girtîgeha Bunyanê 33 roj cezayê hucreyê didin Garîbeyê û piştre surgunê Kandirayê dikin û got;
“Di 24’ê Îlonê de Garîbe çalakiyê dike û 7-8 gardiyan diçin odeya yek kesî. Êşkence û destdirêjiyê lê dikin.Tevî ku li ser hişê xwe diçe derbên giran dixwe nayê dermankirin.
Garibe Gezer a destdirêjî lê hate kirin: Bûyerên hatin serê min bila bê bibihisin
Garibe bi rêka parêzerên xwe rewşa zindanê wiha tîne ziman;
“Derfetê ku hewcedariya tu waletê li cihekî din bike tune, ji ber vê neçar mam li ber kamerayan hewcedariya tuwaletê pêk bînim. Tiştên hatine serê min divê her kes bibihîse.
Jiyanê bi lêv kir ku der barê îşkence û binpêkirina mafan ya li hember Garîbeyê de tu lêkolîn nehatiye kirin, tu dermankirina tibî nehatiye kirin.
Parêzer Jiyan Tosun da zanîn ku ew ê heya dawî şopdarê mijarê bin.
