Di navbera Waşîngton û Enqerê de, aloziyên leşkerî û siyasî herdu welat anîbûn pêşberî hev.
Di civîna Biden û Erdogan ya li Roma de ev yek carke din derketibû pêş.
Erdogan her çiqasî îdia dike ku civîn “erênî bû”, lê ji Koşka Spî daxuyaniyek cuda derket.
Koşka Spî ragihand ku Biden ji Erdogan re gotiye,
Ji bo firotina F-16’an demek diyarker pêwiste.
Hêviyên Serokomarê Tirkiye Erdogan ya ji bo hevdîtinek li gel Serokê DYA Joe Biden li Roma pêk hat.
Erdogan piştî civîna ku di Lûtkeya G20 a li Romayê hat kirin da wiha got,
“Ji bo radestkirina F-16 yên nû min Biden erênî dît.”
Piştî axaftinên Erdogan ji Koşka Spî jî daxuyaniyek mîna bersivê hat.
Di daxuyaniya Koşka Spî de wiha hat gotin:
“Serok Biden hevkariya me ya parastin û girîngiya Tirkiyê ya weke endamekî NATOyê dubare kir. Di heman demê de, li ser hebûna sîstema parastina hewayî ya S-400 ku li Tirkiyê ne jî fikarên xwe aniye ziman.”
Hat diyarkirin ku Biden di hevdîtina ku bi rojan piştî aloziya di navbera DYA û Tirkiyê ya ji ber ‘krîza 10 balyozan’ hat lidarxistin de, “pirsgirêka mafên mirovan” jî aniye ziman.
Di daxuyaniya piştî hevdîtinê de, Serokomariya Tirkiyê jî diyar kir ku her du welatan biryar dane ku mekanîzmayeke hevbeş ji bo zêdetir xurtkirina peywendiyên xwe ava bikin.
Erdogan di daxuyaniya xwe ya çapemeniya ya roja Yekşemê da wiha got:
“Wekî ku hûn ji dizanin ji bo F-35’an 1 milyar û 400 milyon dolar pere hat dayîn. Me bal kişand ser wê yekê ku em ê çawa karibin vê pêvajoyê ber bi pozîsyoneke baş ve bibin. Di ser de me zêdetir bal kişand ser F-16’an. Mijara nûjenkirina yên li cem me an dayîna F-16’an nû ket rojevê.”
Ji bo ku Biden gotina dawî li ser firotek weha bêje, divê ev firot despêkê di Kongreyê de were erêkirin.
