Niha li nava welatên destê wan di nava şer û hewildanên zêdekirina aloziyan de heyî, bala xwe dane ser balafirên biçek yên bêmirov.
Serokdewletê Rûsya Putin fermana lezkirin û pêşxistina balafirên biçek û bêmirov da.
Ev fermana Putin, piştî dewleta Tirk balerifên biçek û bêmirov dan Ukraynayê pêk hat.
Di nava salên dawiyê de, li qadên şer yek ji şêwazên herî zêde yên tê bikaranîn, balafirên biçek yên bêmirovin.
Êdî ev şêwazê balefiran bala gelek welatên kişandiye.
Rûsya ku hem li Sûrî û Ukrayna hebûna xwe ya leşkerî didomîne, ji bo pêşxistina van çekan di nava hewildanên zêde de ye.
Herî dawî Serokdewletê Rûsya Vladimir Putin ji artêşa welat xwest ku jimara balefirên bêpîlot yên destê artêşê de ne zêde bikin.
Putin di hevdîtina bi rayedarên payebilind ên Wezareta Parastinê ya Rûsyayê re, diyar kir ku artêşa Rûsyayê beriya niha zêdetirî 2 hezar balafirên bêmirov hebûn û got:
“Di vê mijarê de pêwiste hîn zêdetir xebat bên kirin.
Bi taybetî jî bi bikaranîna mejiyê çêkirî û teknolojiya herî pêşketî were karanîn.”
Putin: Em li Sûrî fêrbûn ku çawa pêşî lê bigrin
Putin diyar kir ku balafirên bêmirov di şerên dawî de bandora xwe îspat kirine û Rûsyayê li hemberî bikaranîna balafirên bê mirov di nav wan de “Êrîşên balafirên bêmirov ên terorîst li Sûriyê” jî sîstema parastinê pêşxistine.
Di meha Tîrmehê de balafira şer a Sukhoi Checkmate ku nayê dîtin û dikare balefirên bêpîlot yên hilbire hatibû nîşandan.
Moskowa di mûşekên hîpersonîk ên ku dikarin pênc qat ji deng leztir biçin û şopandina wan pir zehmete, welatê herî serokê cîhanê ye.
Welatên Yekitiya Sovyeta berê de bala xwe dane ser balefirên biçek yên bêmirov
Di nava salên dawiyê de, dewleta Tirk û Îsraîl bûn welatên herî zêde, van balefiran difiroşin welatên cihê xwe di nava Yekîtiya Sovyeta berê de digirt.
Di şerê navbera Ermenîstan û Azerbeycanê de jî ev balefir ji aliyê Bakûyê ve bi awayekî zêde hatibû karanîn.
Ukrayna hefteya derbasbûyî ragihandibû ku wan balefirên biçek yên bêmirov ku ji Tirkiyê girtine li dijî alîgirên Rûsya yên li rojhilatê welat bikar aniye.
Li dijî vê yekê Moskowa bertek nîşan dabû.
