Çiya Kurd: Weke ku şer rû bide divê em amade bin

Cîgirê Hevserokatiya Meclisa Rêveber a Rêveberiya Xweser Bedran Çiya Kurd, dibêje “Em ne alîgirê şer in, lê ger şerek çêbibe ji derveyî berxwedan û xweparastinê ti hilbijêrek me wê tune ne.” Çiya kurd da zanîn ku Rûsya hewl dide navberRêveberiya Xweser û Şamê de diyalogê pêş bixe, lê heta nih ev yek pêk nehatiye.

Cîgirê Hevserokatiya Meclisa Rêveber a Rêveberiya Xweser a Bakur û Rojhilatê Sûriyê Bedran Çiya Kurd, derbarê bûyerên di rojevê de ji ajansa hawarê re nirxandin kir.

Bedran Çiya Kurd destpêkê derbarê gefên Tirkiyê yên li ser herêmê de da zanîn ku dewleta Tirk dixwaze êriş bike, lê heta niha ev daxwaz ji aliyê Rûsya û Amerîkayê ve nehatiye pejirandin û got:

Heya niha tu erêkirin çênebûye.

Divê wekî ku wê êriş çêbibe, em di nav amadekariyên mezin de bin.

Em ne alîgirê şer in, lê ger şerek çêbibe ji derveyî berxwedan û xweparastinê ti hilbijêrek me wê tune be.

Çiya Kurd anî ziman tişta ku Erdogan dixwest ji Biden bigre,negirt, Erdogan ketiye tecrîdeke siyasî, dîplomasî û êdî wekî ku dixwaze her kes pê re nealîkar e.

Çiya Kurd: Amerîka dixwaze mijara Sûrî Radestî rûsya bike

Bedran Çiya Kurd li ser ceribandin û rahênanên leşkerî ku Rusya vê dawî li herêm zêde kirine jî ev nirxandin kir:

“Amerîka di hundirê Sûriyê de bi Rûsya re gelekî binakok e dixwaze mijara Sûriyê radestî Rûsya bike.

Rusya jî bi van ceribandinên xwe yên leşkerî, dixwaze ji aliyan re bide xuyakirin ku hêza bi bandor êdî ew e.”

Çiya Kurd: Rûsya hewl dide diyalogan bi pêş bixe

Derbarê diyalogên bi hikûmeta Şamê re Çiya kurd eşkere kir “Ev demek e Rusya hewl dide diyalog pêş bikevin lê heta niha ti diyalog tune ne û ev got:

“Berî niha çend caran hinek civîn û hevdîtin çêbûn, lê bê-encam man û rawestiyan.

Rûsya niha dixwaze pêvajoyeke diyalog û danûstandinê li gel Şamê çêbike.

Me got em amade ne, nêrînên me ji bo çareseriyê zelal in.

Em xwedî biryar in, esasê çareseriyê, lihevkirina Sûrî-Sûrî ye.

Divê Rûsya rol bilîze, heta li ser hikûmeta Şamê zextê bike ku divî alî de gavan biavêje.

Back to top button