Artêşa Etopyayê xwe ji bo şerekî mezin amade dike.
Serhildêrên Tîgrayî xwe nêzî paytexy Addîs Ababa kirin.
Li hemberî vê rewşê artêşê bang li leşkerên kevin kirin da ku beşdarî şer bibin.
Amerîkayê jî banga lezgîn li welatiyên xwe kir da ku ji Etopyayê derkevin.
Bêtirî salekê ye, li Etopya di navbera hêzên artêşê Eniya Rizgariya Gel a Tîgrayê şerê dewam dike.
Serhildêrên Tîgrayê demên dawî ber bi paytext Addîs Ababa ve pêşde çûn.
Hemwext li welat 9 komên dijberên hukûmetê hêza binavê Eniya Hevgirtî ya Hêzên Federal û Konfederal ava kirin.
Eniyê di daxuyaniya xwe a pêşî de eşkere kir ku armanca wan bidawîkirina desthilata Abî Ahmed e..
Li hemberî vê rewşê hukûmet û meclisa welat ji bo 6 mehan rewşa awarte ragihandin.
Artêşê jî bang li leşkerên kevn kirin da ku beşdarî şerê li dijî serhildêrên Eniya Rizgariya Tîgrayê bibin.
Li aliyê din hukûmeta welat eşkere kir ku ew ê şerê xwe dewam bike û careke din bang li gel kir da ku xwe li gorî şer amade bike..
Konseya Ewlekariyê ya Neteweyên Yekbûyî jî bang li aliyan kir da ku dawî li şer bînin.
Konseyê piştgiriya xwe a ji bo hewldanên Yekîtiya Afrîkayê diyar kir û got, divê agirbest were ragihandin.
Amerîka bang li welatiyên xwe kir da ku ji Etopyayê derkevin
Di vê navberê de Amerîka bang li welatîyên xwe kir ku di bi awayekî lezgîn ji Etopyayê derkevin.
Sefareta Amerîka li Addîs Ababa dîyar kir ku rewş aloz e û divê welatî xwe dûrî şer bikin.
Li Etopyayê ji ber şerê salekê bi deh hezaran kes hatin kuştin
Her wiha bi mîlyonan mirov jî ji cih û warê xwe bûn û piraniya wan vê gavê li kampan bicih bûne.
