Piştî ku Rûsya komarên Lugansk û Donetsk nas kirin, yekser hikumeta Şamê jî ew nas kirin.
Têkildarî vê helwesta wê, Hemdan El-Ebid Cîgirê Hevserokatiya Meclisa Rêveber Hemdan El-Ebid diyar kir ev hewest ji bo ku ji bo razîkirina Rûsyayê ye.
El Ebid dibêje:
Çend sal in hikumeta Şamê bi behaneya cûdaxwaziyê, bangên Rêvebriya Xweser bi cih nayîne.
Hikumeta Şamê ku li dijî cûdaxwaziyê ye divê di şerê Ûkraniyayê de jî heman helwestê nîşan bide.
Piştî ku Rûsya herdu komarên Lugansk û Donetsk nas kirin, yekser heman helwest ji hikumeta Şamê jî hat.
Lê Rêveberiya Xweser ku bi salan e banga çareserkirina aloziya Sûriyê bi diyalogan jî dike, hikumeta Şamê her wê bi “Cûdabûnê” tawanbar dike.
Têkildarî vê helwesta wê, Cîgirê Hevserokatiya Meclisa Rêveber a Rêveberiya Xweser Hemdan El-Ebid nirxandin kir.
Hemdan El-Ebid diyar kir ku hikumeta Şamê naxwaze ku aloziya Sûriyê bi awayekî siyasî çareser bibe û ev tişt anî ziman:
”Hikumeta Şamê nikare biryareke serbixwe û xwedî nîşaneyeke niştîmanî bigire, ev yek di civînên komîteya destûrî û Astanayê, diyar bû.
Xwediyên biryarê Tirkiyê, Îran û Rûsya bûn.”
Hemdan li ser helwesta hikumeta Şamê ya naskirina komarên Lugansk û Dontesk jî dibêje:
“Em ji vê helwestê matmayî ne.
Rêveberiya Xweser a ku banga diyaloga Sûrî-Sûrî û parastina yekitiya xaka Sûriyê dike, bi “cudaxwaziyê” hat binavkirin.
Lê çawa Rûsya serxwebûna her du komaran nas kir, wê jî ji bo razîkirina Rûsyayê her du komar nas kirin.
Hemdan El-Ebid daxuyaniyên wezîrê karên derve yê hikumeta Şamê ên derbarê “Cûdabûn” û “Guhertina demografî” de jî rexne kirin û ev got:
“Em gelê Sûriyê ne, em cûdabûnê naxwazin.
Van daxuyaniyan didin ji ber ew ji diyaloga Sûrî – Sûrî direvin.”
Dawiyê Hemdan El-Ebid îşaret bi “lihevkirinên” ku hikumeta Şamê pêk tîne kir û û piştrast kir ku ew ji bo gelê Sûriyê bêhêviyek e.
