Hêzên Rûsî niha li paytext Kievê ne û berî derdora se’etekê li taxa Obolon a Kievê şerekî giran diqewimî. Rûsya û Ûkranya bîlançoya roja yekem a şer eşkere kirin.
Li gorî wê, hêzên Rûsyayê 118 navendên bejahî yên Ukraynayê tine kirine û 137 leşkerên Ûkranî hatine kuştin. Serokê Ukranyayê Vladîmîr Zelenskiy jî diyar kir ku NATO welatê wî tenê hişt, lê ew ê heta dawî li Ukraniyayê li rex gelê xwe be.
Berdevkê Wezareta Parastina ya Rûsyayê Îgor Konaşînkov ragihand di roja yekemîn a şer de hêzên wan 118 navendên bejahî yên Ukraynayê tine kirine.
Îgor eşkere kir ku helîkoptereke leşkerî û 4 balafirên bêmirov ên Ukraynayê hatine rûxandin.
Her wiha ragihand ku 14 leşkerên Ûkraynayê dîl hatine girtine.
Rûsyayê bang li leşkerên Ukraynayê kir ku dest ji çekan berdin û li vegerin malên xwe.
Artêşa Rûsya derbasî paytext Kievê bû
Berî çend se’etan şer li taxa Obolon a Kievê giran bû.
Rayedarên Ukranî bang li gel kir ku cih û warên xwe bernedin, xwe bi molotofan biparêzin.
Her wiha Şêwirmendê Wezîrê Karê Hundir ê Ukraniyayê Anton Geraşçenko li ser hesabê xwe yê twîterê dimenê Bajarê Kîevê bi parve kir û got:
Artêşa Rûsya sivîlan dike armanc, di vê avahiya ku hûn dibînin de 8 sivîl bîrîndar bûn.
Artêşa me cihê xwe bernedayê heta niha şer dike.
Ûkranya: 137 leşkerê me mirine û 316 kes jî birîndar in
Serokê Ukranyayê Vladîmîr Zelenskiy jî derengiya şevê ragihand ku hêzên sabotajê yên Rûsyayê ketine paytext Kîevê.
Her wiha eşkere kir ku hêzên wan balafirgeha leşkerî ya Hostomel ji destê hêzên Rûsî derxistine; zêdeyî 30 tank, 130 maşîneyên leşkerî, 7 balafirên şer û 6 helîkopterên artêşa Rûsî jî bêbandor kirine.
Zelenskiy diyar kir ku heta niha bi qasî ku wan tespît kirine 137 leşkerên wan mirine û 316 kes jî birîndar bûne.
“Em bi tenê hatine hiştin ji bo berevaniya li dewleta xwe û şerê lid ijî Rûsyayê.
Kî amade ye li gel me şer bike, ne kesek, ez kesekî nabînin. Kî amade ye endambûa Ukrayna di NATO de garantî bike? Hemû ditirsin.”
Zelensky tekez kir ku ew û malbata xwe dê li Ukraynayê bimînin, tevî ku ew armanca yekem a Rûsyayê ne.
Serokê Ukraynayê destnîşan kir ku “Rûsya dixwaze bi kuştina serokê dewletê, di warê siyasî de Ukraynayê bi tevahî wêran bike.
Tekane grava Ukraniyayê ya Deryaya Reş ket destê hêzên Rûsî
Grava Zmenî tekane grava Ukraniyayê ya Behra Reş de ye.
Niha rojeva civaka Ukraniyayê de berxwedana leşlerên gravê rojeva sereke ye.
Grav ji aliyê geştiyên şer ên Rûsyayê ve hate dorpêçkirin.
Rûsya ji leşkerên Ukranî yên li gravê xwest xwe radest bikin.
Lê leşkerên Ukranî radestbûn red kirin.
Di encama de şer derketî de 13 leşkerên Ukranî yên gravê hatin kuştin û grav ket destê Rûsyayê.
