Li zîndanên dewleta Tirk rewşa girtiyên nexweş roj bi roj giran dibe.
Li Girtîgeha Mêrdînê li dijî binpêkirinan greva birçîbûnê bi komeke nû dewam dike.
Komeleya Mafên Mirovan jî bangat berdana girtiyên nexweş kirin.
Li zîndanên dewleta Tirk rewşa girtiyên nexweş her diçe giran dibe.
Girtî nayên berdan û nayên dermankirin, terkî mirinê hatine kirin.
Girtiyê bi navê Hogir Batu ku di dema qedexeyên derketinê li Nisêbînê de hatibû girtin cezayê muebbeta giran lê hatibû birîn.
Çalakiya greva birçîbûnê ya Batu li girtîgeha bajarê Îdirê a li dijî binpêkirinan û zextan di roja 65’an de dewam dike.
Di heman girtîgehê de, Firat Gereklî û Mazhar Metîn jî ji ber neşandina nameyan û nexweşxaneyan dest bi çalakiya greva birçîbûnê kirin.
Greva birçîbûnê ya Mêrdînê komeke din dewr girt
Li dijî zext û binpêkirinên mafan, girtiyên li Mêrdînê dest bi greva birçîbûnê ya bêdem û dorveger kiribûn.
Komek ji 3 girtiyan her 5 rojan çalakî dewr digrin.
Daxwazên girtiyan wihane:
-Divê girtiyên nexweş bên dermankirin û bi rêk û pêk bişînin nexweşxaneyê.
-Dema ku dibin nexweşxaneyê divê dev ji kiryarên rûmeta mirovan dişikînin berdin.
-Divê dawî li biryarên keyfî were anîn û girtiyên cezayê wan xelas bûyîn bên berdan.
ÎHD: Girtiya nexweş Dîcle bozan terkî mirinê hatiye kirin
Komîsyona Girtiyan a Şaxa Komeleya Mafên Mirovan (ÎHD) a Stenbolê, ji bo balê bikişînin ser rewşa girtiyên nexweş, her hefteyê çalakiya “Rûniştina F” li dar dixin.
Çalakiya hefteya 518’an li avahiya komeleyê hat lidarxistin.
Di çalakiyê de Seroka Şaxa ÎHD’a Stenbolê Gulseren Yolerî axivî û bal kişand ser rewşa girtiya nexweş Dîcle Bozan ku li Girtîgeha Jinan a Kayseriyê de.
Gulseren da zanîn ku Dîcle Bozan di sala 2017’an de bi birîndarî hatiye binçavkirin û got:
“Hîn birînên wê nehatî dermankirin, şandin girtîgehê.”
Gulseren Yolerî diyar kir ku Dîcle ji parêzerê xwe re gotibû ku mafê wê yê tenduristiyê ji holê rabûye û got:
“Dîcle 5 caran birine nexweşxaneyê lê şanî bijîşkan nedane.
Parêzer dibêje ev nêzikatiya li hember Dîcle, êşkence ye.
Gulseren Yolerî, bang kir ku hemû girtiyên nexweş bên dermankirin.
ÎHD xwest girtiyên nexweşên giran Nebîoglû û Yildiz bên berdan
Komîsyona Girtîgehan a Şaxa Komeleya Mafên Mirovan (ÎHD) a Îzmîrê çalakiya xwe ya “Ji girtiyên nexweş re azadî” ya du hefteya carekê li dar dixe, didomîne.
Parlementera HDP’ê ya Îzmîrê Serpîl Kemalbay û dayikên di Nobeta Edaletê de jî beşdar bûn.
Komîsyonê vê hefteyê bal kişand ser rewşa girtiyên nexweş Emrah Nebîoglû û Salman Yildiz.
Berdevkê Komîsyona Girtîgehan Ahmet Çîçek diyar kir ku her du girtî jî nexweşên giranin û xwest demildest bên berdan.
Çalakiya nobeta edaletê a li Wanê di roja 76’an de dewam dike
Çalakiya Nobeta Edaletê ya malbatên girtiyan ji bo girtiyên nexweş û girtiyên înfazên wan hatine şewitandin bên berdan li Baroya Wanê dane destpêkirin di roja 76’an de berdewam dike.
Rêxistina HDP’a Rêya Armûşê ku serdana Nobeta Edaletê kir û piştgirî dan malbatên girtiyan.
