Welatên rojava bi cezayan dixwazin Rûsya ji Ûkrayna derxînin. Di vê çarçoveyê de, welatên YE cezayên nû li ser Rûsya ferzkirin. Di beşa çaremîn ya cezayan de, hinardekirina derve ya Rûsya di warê hesin û çelîk bû armanca cezayên yekîtiyê.
Ev ceza ji aliyê Seroka Komisyona YE û Berpirsê polîtîkayên ewlekarî û derve yê YE ve bi keyfxweşî hatin pêşxwazîkirin. Berpirsan careke din piştevaniya xwe ya ji bo Kîevê ragihandin.
Rûsya ji cezayan têr bû lê ya xuya dike, welatên rojavayî wê bi cezayên heyî re sînordar nemêne.
Li dijî êrişên Rûsya li ser Ûkrayna, Yekîtiya Ewrop (YE) cezyên nû ferz kirin.
Fransa ya ku serokatiya demkî ya YE dike bi daxuyaniyekê ragihandin ku di civîna ku ji aliyê nûnerên welatên yekîtiyê ve hat lidarxistin de, cezayên nû yên li dijî Rûsya hatin pejirandin.
Ev ceza piştî ku di Rojnameya Fermî ya Yekîtiya Ewropayê de bên weşandin wê bikeve meriyetê.
Bal hat kişandina ser wê yekê ku di paketa 4. a cezayên li ser Rûsyayê hatî sepandin de, hinek kes û rêxistin hedef hatine girtin.
Hat destnîşankirin ku statuya “welatê herî hezkirî” ya Rûsyayê hatiye rawestandin.
Biryara cezayên ku doh hatî girtin îro bi daxuyaniyekê naveroka wan hate zelalkirin.
Li gorî vê yekê, bi şirketên gelemperî yên di sektorên cihêreng ên Rûsyayê de, wekî pîşesaziya leşkerî wê ti danûstandin nayê kirin.
Li ser deranîna (îthalata) berhemên hesin û pola yên ji Rûsyayê wê qedexe bê danîn.
Berpirsên YE ji cezayên li ser Rûsya keyfxweşin
Seroka Komisyona YE Ursula von der Leyen li ser hesabê xwe yê medyaya civakî peyamek parve kir û got,
“Ez pêşwazîkirina bilez a pakêta çaremîn a cezayên welatên YE yên li dijî Rûsyayê silav dikim.”
Von der Leyen diyar kir ku ev ceza wê hêza Serokê Rûsyayê Vladimir Putin a fînansekirina şerekî neheq qels bike û heta ku şer raweste ew ê zextê li ser Kremlînê bidomînin.
Nûnerê Bilind ê Têkiliyên Derve û Polîtîkayên Ewlehiyê yê YE Josep Borrell di parvekirina xwe ya li ser mijarê de got, “Em bi biryar in ku piştgiriya Ûkrayna û gelê wê bidomînin.”
Borrell diyar kir ku pakêta çaremîn a cezayan armanc dike ku hêza Kremlînê ya fînansekirina şer lewaz bike û dê zirarê bide aborî û lojîstîka Rûsyayê.
Bi van cezayên nû re, jimara cezayên ku li ser Rûsya gihişt 6 hezar û 400’î.
