Jina kurd a ku di zindanê de agirê Newrozê bi bedena xwe vêxist Sema Yuce.Sema berî çalakiya xwe di nameya xwe de got:”Ji bo ku ez bibim şagirteke zîrek a Kawayê Hemdem Mazlûm Dogan, dixwazim weke Zekiya bişewitim, weke Rahşan bibim Newroz”.
Sema Yuca di sala 1971’an de li navçeya Agirî ji dayîk bûye.
Sema heya Zanîngehê li Agirî dixwîne, di sala 1989’an beşa Civaknasiyê bi dest dixe û diçe Enqerayê.
Li wir xwendekarên welatparêz nas dike û di nava xebatên ciwanên de cih digire.
Di sala 1991’an de ji zanîngehê derdikeve û tevlî nava refên PKK’ê dibe.
Piştra diçe geliyê Bekayê û bi Rêber Abdullah Ocalan re hevdîtin pêk tîne.
Piştî demeke kin perwerdeyê dibîne û li qada Serhedê dest bi xebatan dike.
Di havîna 1992’an de li navenda bajêr bi komeke hevalên xwe re di encama îxbaratekî de tên binçavkirin.
Sema Yuca ya ku 22 sal cezayê hebsê yê giran lê hatiye birîn, cara destpêkê sirgûnî Nevşehîrê û piştra sirgûnî girtîgeha Çanakkaleyê dikin.
Şehîd Sema di şeva 21’ê Adarê 1998’an agirê Newrozê bilind dike û bedena xwe dide ber agir.
Sema ku bi giranî birîndar bûbû rakiribûn Nexweşxaneya Fakulteya Tibê ya Cerrahî ya Stenbolê 17’ê Hezîranê piştî têkoşîna 84 rojan a jiyanê şehîd bû.
Sema Yuce beriya çalakiya xwe bi nameyekê xîtabî Rêber Abdullah Ocalan, jinên Kurd û gelên cîhanê dike.
Sema Yuce di nameyê de wiha dibêje:
‘Ez dixwazim mêjiyê xwe, dilê xwe, bedena xwe di navbeyna 8’ê Adarê û 21’ê Adarê de bikim pirek. Ji bo ku ez bibim şagirteke zîrek a Kawayê Hemdem Mazlûm Dogan, dixwazim weke Zekiya bişewitim, weke Rahşan bibim Newroz. Ez dixwazim li ser rêya hevrêyên xwe yên din de ku bûne Newroz bi biryardarî bimeşim.
Sedema ku dixwazim baweriya xwe ya ku jin jî dikare bibe hevrê bi çalakiyeke esîl tacîdar bikim ew e ku bi pakkirna ji hemû pênaseyên ku bi esîltiyê têne zanîn, dixwazim biqêrim ku xawêna wan mirovan e ku ew bixwe basît in lê xewn û xeyalên wan mezin in. Azadî ji bo me hemû ye û em dikarin gav bi gav bigihêjin azadiyê.’
Rêber APO ji bo Sema Yuca wiha dibêje:
Her şer, bi taybetî jî şerê rawestandina qirkirina pir giran a me, kesayeteke mîna Sema ya têkoşer hewce dike.
Rastiya Sema, tê wateya Evîn, bedewî, xwedî nasnameya bi îddia yê.
Şervanê azadiyê a mezin, tê wateya jina ku teslîmî mêr, bêevînî nebûye.
Di vî şer de ji bilî bidestxistina vî kesayetî ti tiştek nikare we bi rê ve bibe.
