Li ser namzetiya serokkomariya Iraqê alozî mezintir bûye

Hevpeymaniya Serwerî ya Sune, PDK û Tevgera Sedir lihevkirineke nû ya bi navê ‘Hevpeymaniya Rizgariya Nîştiman’ li ser namzetên serokwezîr û serokkomarên Iraqê pêkanîn. Aliyên siyasî li dijî vê yekê derdikevin û dibêjin ev gavekî ne di cih de ye.. Parlamenterê Yekîtiya Nîştimaniya Kurdistanê-YNK Herêm Kemal Axa jî derbarê mijarê de got: Serokkomariya Iraqê ji bo YNK’ê ye û ev hevpeymaniya Sedir, PDK û Sunneyan jî wê ji bo kurdan bibe pirsgirêk û wan parçe bike.

Duh, Hevpeymaniya Serwerî ya Sune, PDK û Tevgera Sedir lihevkirineke nû ya bi navê ‘Hevpeymaniya Rizgariya Nîştiman’ li ser namzetên serokwezîr û serokkomarên Iraqê pêkanîn.

Li gorî lihevkirina her 3 aliyan, Rêber Ehmed PDK’ê weke namzetê serokkomariyê û Mihemed Cehfer Sedir jî wek namzetê serokwezîriyê diyar kirine..

Parlamenterê Yekîtiya Nîştimaniya Kurdistanê-YNK ê li Parlamentoya Iraqê Herêm Kemal Axa, Parlamenterê Dewleta Yasa Eqîl Fetlawî û parlamenterê Hevpeymana Fetih Ebas Zamlî têkildarî mijarê axivîn û bertek nîşan dan..

Aliyên siyasî li dijî hevpeymaneke li dijî yasaya Iraqê ne

Parlamenterê Yekîtiya Nîştimaniya Kurdistanê-YNK’ê Kemal Axa anî ziman ku tişta herî baş a kurd jê dûr bin, pirsgirêka mala Şîe ye û ev yek got: Em berê ji bo mafên xwe, hevbeş û hemahengê Şîe û Sunniyan bûn, lê niha PDK bûye beşek ji pirsgirêkan.

Ev ziyanê dide Kurdan.

Li Iraqê dozek û pirsgirêka xak, neft û herêmên veqetandî û pêşmerge heye..

Pêwîstiya me bi alîkariya hemû aliyan heye, ne bi dijminatiya aliyekî û dostaniya yê din”

Herêm Kemal Axa diyar kir ku ev hevpeyman wê bi ser nekeve û hewlwesta xwe wiha raper kir:

“Heta mala Şîe li hev neke, em ê tevlî vê civînê nebîn.

Ev hevpeymana hatiye avakirin, wê ne di qezenca pêşeroja Iraqê û pêvajoya siyasî de be.

Wezîfeya serokkomariyê ya YNK’ê ye.”

Parlamenterê Dewleta Yasa Eqîl Fetlawî jî anî ziman ku ger hikumet di encama her 3 hevpeymanan de were avakirin, ew hikumet binketiye û wê dewam neke.

Fetlawî derbarê tevlîbûna wan ya ji bo hikumetê jî got;

“Di vê rewşê de emê weke mûxalefet bimînin.”

Parlamenterê Hevpeymana Fetih Ebas Zamlî diyar kir ku pêvajoya siyasî ya niha metirsiye û wiha gotina xwe domand:

Amadebûna me ya ji bo civîna hilbijartina serokkomariyê zehmete..

Çarçoveya Hemahengî û hemû aliyên bi wan re jî wê tevlî civîna parlamentoyê nebin.

Ji ber ku hejmara yasayî temam nabe, wê civîn jî pêkneyê.

Tê payîn ku di 26’ê Adarê de Parlamentoya Iraqê ji bo hilbijartina Serokkomar bicive..

Back to top button