Mehek derbas bû û hîna Rûsya nekariye bikeve Kîevê. Ji ber zehmetiyên artêşa Rûsya di bejahiyê de dibîne, plana karanîna çekên giran pêk tîne. Bajarê Xarkov bi çekên giran hate armanckirin. Rûsya ragihand ku wan bi rêya moşekên Kalîbir yên ji Derya Reş, qadên leşkerî yên Ûkrayna kirine armanc. Ûkrayna jî eşkere kir ku heta niha 16,400 leşkerên Rûsya hatine kuştin.
Rûsya di kontirolkirina Ûkrayna de bi israre.
31 rojin bajarên Ûkrayna di bin êrişên Rûsya de dinalin.
Li bakur û rojhilatê welat, bajar wêran bûne.
Her roja derbas dibe, Moskow ya di pêşketinê de zehmetiyan dibîne êrişa bi çekên giran zêde dike.
Ev der bajarê Xarkov yê dikeve rojhilatê welate.
Bajarê ku li nêzî sînorê Rûsya ye, ji despêka êrişan ve bûye armanc.
Artêşa Rûsya bi çekên giran careke din êrişî bajar kir.
Ji ber êrişa dijwar, şewat derket.
Kîev di nava dumanê de maye
Li Kîevê jî heman rewş heye.
Paytext Kîev ku demekê yek ji bajarên herî xweş bû, niha di nava dumanê de asê maye.
Leşkerên Ûkrayna bi rêya komên biçûk hewil didin rê li pêşdehatina hêzên Rûs bigrin.
Wêneyên ku ji aliyê hêzên Ûkrayna ve hatine weşandin, tê xuyakirin ku Rûsya di warê leşkerî de derbên giran dixwe.
Rûsya bi moşekên kalibr êrişî Ûkrayna kir
Rûsya her çiqasî li rewşa xwe mikur nayê, lê bi karanîna çekên giran re hêrsa xwe nîşan dide.
Wezareta Parastinê ya Rûsya ji Derya Reş bi moşekên Kalibr êriş kir.
Wezaretê îdia kir ku di êrişê de, depoya çekan a Ûkrayna ya li Jitomir hatiye armanckirin.
Ev der jî gundê Kalyinivka yê li nêzî Kîevê ye.
Ji ber êrişa moşekên Rûsya şewat li herêmê derket.
Rûsya: 32 bayraktarên bi cureya tb2 hatine xistin
Berdevkê Wezareta Parastinê ya Rûsya Îgor Konaşenkov têkildarî êrişa bi moşkan û şerê dawî agahî parve kir.
Konaşenkov piştrast kir ku wan bi moşekên ji Derya Reş hatine avêtin, cihên leşkerî yên Ûkrayna kirine armanc.
Her wiha got:
Li herêma Vişnevoe li 2 balarifên SU-25 û yek Su-24, 6 balafirên bêmirov hatiye xistin.
Koneşenkov ragihand ku heta niha, 267 balafirên bêmirov, 207 sîstemên hewayî, 1,618 tank û gelek alavên leşkerî yên Ûkrayna hatine têkbirin.
Rûsya: 1,351 leşkerên me hatine kuştin
Serokê Daîreya Operasyonên Sereke ya Sererkaniya Rûsyayê Sergey Rudskoy jî diyar kir ku heta niha hezar û 351 leşkerên Rûsya hatine kuştin û 3 hezar û 825 jî birîndar bûne.
Diyar kir ku hêzên wan 35 balafirên Bayraktar yên ji cureya TB2 xistine.
Ûkrayna: 16,400 leşkerên Rûsya hatine kuştin
Sererkaniya Ûkrayna jî bîlançoya 31 rojên ji êrişa li dijî Rûsya eşkere kir.
Li gorî vê;
16,400 leşkerên Rûsya hatine kuştin.
117 balafir, 127 helîkopter û 575 tank hatine bêkêrkirin.
