Talîban zexta xwe ya li ser Efxanan zêde dike, xêrxwazên cîhanê di dayîna alîkariyê de dudilî mane. NY bifikare banga wê ya alîkariya 4,4 milayr dolar ya ji bo Efxanistanê bigihêje armanca xwe. Banka Cîhanî ji ber polîtîkayên Talîban ya astengkirina perwerdeya xwendekarên keç, 4 projeyên xwe yên li welat rawestand.
Li Efxanistanê, bi hatina Talîbanê re, li welat di her warî de zehmetî heye.
Berpirsên rojavayî bifikarin ku soza komkirina bêtirî 4.4 milyar dolar alîkarî ji bo Efxanîstanê pêk neyê.
Rayedarekî Neteweyên Yekbûyî (NY) got, ew bi fikar e ku bi zêdebûna zextên Talîbanê re, xêrxwaz ji bo alîkariya Efxanistanê paşde gavê biavêjin.
Li gorî nûçeya The Guardianê, tê plankirin ku di konferansa lixwegirtinê de, alîkariya ji bo Efxanistanê were komkirin.
NY ya beriya niha ji bo Efxanistanê banga alîkariya 600 milyon dolarî kiribû, dixwaze dawî li krîzê bîne.
Ji bo vê yekê, piştî Talîbanê Tebaxa 2021’an kontrola welat xist destê xwe rewş hate guhertin.
Hejarî û zextên li ser welatiyan gihişt asta herî jor.
Ji aliyê din ve hat diyarkirin ku biryara dawî ya Talîbanê ya ji bo nehiştina zarokên keç a hefteya bihurî vegere dibistanê dibe ku bibe sedem ku xêrxwaz ji bo alîkariyê gavê paşde bi avêjin.
Banka Cîhanî çar projeyên cihêreng li Efxanîstanê pêşkêş kiribû.
Ev projeya bi giştî ji 600 milyon dolarî pêk tê fona mamostayên li welat jî digre nava xwe.
Banka Cîhanê 4 projeyên xwe yên li Efxanistnaê rawestand
Banka Cîhanî li dijî polîtikayên Talîban yên durxistina xwendekarên keç ji dibistanan projeyên xwe dan rawestandin.
Di daxuyaniyê de hat diyarkirin ku ev proje girêdayî pêdiviyên lezgîn ên di warên perwerde, tenduristî û çandiniyê de ne.
Alîkariya Rojava beriya Talîban welat kontrol bike ji sedî 75’ê butçeyê pêk dihat.
