Li Lîbya piştî bêdengiya bi heman, li welat careke din nîşaneyên gurbûna aloziyê heye. Fethî Başaga yê ji aliyê Meclisa Nûneran a Tobrukê bo serokezîriya welat hatî erkdarkirin got, Di rewşa derketina aloziya navbera min û Dibeybe de, ez ê hikumeta ji Sirtê birêve bibim. Rêxistina Efûyê ya Navneteweyî jî diyar kir ku li Lîbyayê komeke çekdar sûcên giran dikin, mafên mirovan binpê dikin û bêceza tê hiştin.
Li Lîbya aloziya derketina şer û pevçûnan careke din li ber derî ye.
Fethî Başagayê ku ji aliyê Meclisa Nûneran a li Tobrûka ku dikeve li rojhilatê Lîbyayê ve wek serokwezîrê nû hat tayînkirin, diyar kir ku ger li Trablusê bi hikûmeta Ebdulhamîd Dibeybe re li hev nekin, hikûmeta di bin rêvebiriya wî de wê wezîfeyên xwe yên ji Trablusê veghêze Sirtê.
Fethî Başaga di merasîma li Sirtê de axivî û got,
“Em dixwazin li paytext Trablûsê bêyî ku dilopek xwîn birije, erka xwe bi cih bînin, lê ger ev yek pêk neyê em dikarin karê xwe ji Sirtê birêve bibin.”
Rêxistina Efûyê ya Navnetewî: Li Lîbya çekdarên sûc û mafê mirovan binpê dikin bêceza tên hiştin
Li aliyekî din Rêxistina Efûyê ya Navneteweyî li ser rewşa li welat daxuyaniyeke nivîskî weşand û got:
“Bêcezahiştin dibe sedem ku çekdarên Otorîteya Piştevaniya Aramiyê (SSA) ya ji aliyê dewletê ve tê fînansekirin hîn bêhtir mirovan bikujin, bi kêfî xelkê binçav bikin, bi zorê bixebitînin, mafên mirovan di asteke giran de binpê bikin.”
SSA bi bernameya serokê berê yê hikumetê Fayiz El Saraj ê ku dewleta Tirk û Qatar piştgiriya wî dike, Çileya 2021’ê ava bû û tenê di bin erka Serokwezîr de ye.
Li gorî Rêxistina Efûyê Saziya Ewlekariya Hundirîn a ji navenda Trablûsê (ISA) jî komeke din a milîs e ku sûc kiriye û mafên mirovan binpê dike.
