Piştî ku plana PDK’ê ya valakirina Şengalê têk çû, niha jî PDK bi destê parlamenterê xwe yê bi navê Mihemed Xelîl dixwaze hin alîgirên xwe li hemberî Asayîşa Êzîdxanê rake.
Têkildarî rewşa dawî ya li Şengalê jî yek ji Fermandarên Asayîşa Êzdîxanê Xalid Xidir dibêje, hîn hejmarek zêde ya leşkerên Iraqê di nava Şengalê de ne û divê gel li hemberî tevahî planan hişyar be.
Di destpêka aloziya li Şengalê de, PDK’ê hewl da zemîna şer ava bike û banga êrîşê li artêşa Iraqê kir.
Piştî ku ev hewldan encam negirtin vê carê di nav gel de tirs û xof belav kir û xwest Şengalê wekî fermana 2014’an carek din vala bike.
Lê ev plan jî têk çû û PDK’ê destûr neda malbatên ku çûne kampan car din vegerin Şengalê.
PDK vê carê jî dixwaze bi destê alîgirên xwe li hemberî Asayîşa Êzidîxanê bertekan birêxistin bike.
Bi taybetî parlamenterê PDK’ê Mihemed Xelîl ku di dema fermanê de Qeymeqamê Şengalê bû, bi rêya alîgirên xwe hewl dide ku li hemberî Asayîşa Êzidîxanê provokasyonan pêş bixe.
Li xeta komelgeha Dugurê ku malbata Mihemed Xelîl jî li wir e, komek alîgirên PDK’ê ji bo tevliheviyên nû ketine nav tevgerê.
Hate zanîn ku Mihemed Xelîl ji bo van hewldanên provakatîf belav bibe, dixwaze berê alîgirên xwe bide Sinûnê û Xanesorê jî.
Li hemberî vê yekê, Asayîşa Êzidîxanê ji bo rê li ber van hewldanên PDK’ê bigire bi baldarî tevdigere û heya niha rê nedaye ku provokasyonek rûbide.
Têkildarî rewşa dawî ya li Şengalê yek ji Fermandarên Asayîşa Êzdîxanê Xalid Xidir ji ajansa Rojnews’ê re axivî.
Xalid Xidir: Hîn hêjmarek zêde ya leşkerên Iraqê di nava Şengalê de ne û divê gel li hemberî planan hişyar be
Xalid Xidir di axaftinên xwe de bal kişand ser hewldanên valakirina Şengalê û wiha got:
Xalid Xidir her wiha bal kişande ser hevdîtinên bi hikûmeta Iraqê re û destnîşan kir ku divê bê zanîn hikûmet daxwazên gel nepejirandine.
Xidir anî ziman divê hikûmeta Iraqê neyê lîstokan û hêzên xwe yên leşkerî ji nava gundan derxîne.
Xidir got, “Bi saya zarokên Êzdîxanê DAIŞ ji xaka Iraqê derket”
Xalid Xidir diyar kir ku hîn hejmarek zêde ya leşkerên Iraqê di nava Şengalê de ne û bang li gel kir li hemberî tevahî planan hişyar be.
Dawî ji Fermandarên Asayîşa Êzdîxanê Xalid Xidir destnîşan kir ku wê heta dawî ji bo parastina civaka xwe têkoşîna xwe dewam bikin.
