Yekîtiya Ewropa ji bo zindîhiştina danûstandinên peymana nukleerî ya navbera Îran û welatên endamên peymanê de, di nava tevgerê de ye.
Lê dema ev yek pêk dihat, li Almanya binçavkirinek balkêş ya endamên şandeya YE yên dema ji Îranê dihatin pêk hat.
3 endamên şandeya Ewropa li Almanya ji bo demekê hatin binçavkirin.
Nûnerê Bilind ê Têkiliyên Derve û Polîtîkayên Ewlekariyê yê YE Borrell diyar kir ku danûstandin piştî navberekî bi qasî 2 mehan careke din despê kiriye.
Nûnerê Bilind ê Têkiliyên Derve û Polîtîkayên Ewlekariyê yê Yekîtiya Ewropayê (YE) Josep Borrell di ketina Civîna Wezîrên Karên Derve ya G7 a li Almanyayê de bersiv da pirsên rojnamevanan.
Enrique Mora ku yek ji dîplomatên payebilind ên tîma Boreelle dema ji hevdîtinên xwe yên li Îranê vedigeriya Brukselê li balafirxaneya Frankfurtê ya Almanyayê ji aliyê polêsên Almanyayê va hat binçavkirin.
Borrell derbarê mijarê de wiha got:
“Bûyer bi dawî hat. , Mora li balafirê siwar bû û li gor bernameya xwe rêwîtiya xwe domand.
Ya girîng encama mîsyona Mora ya li Îranê ye.
Ji texmînan baştire derbas bû.
Danûstandin rawestiyabûn lê niha ji nûve dest pê kirin.
Ji ber vê yekê rêwîtiya wî pir bi fêde bû.”
Mora Alîkarê Sekreterê Giştî yê Servîsa Têkiliyên Derve ya YE (EEAS) ku kordînatorê peymana nukleerî ya Îranê ye.
Mora yê bi mehan e li Viyanayê li ser navê YEyê danûstandinan dike, di destpêka hefteyê da çûbû Tehranê.
Mora danê sibehê li ser hesabê xwe yê medyaya civakî parve kir ku polîsên Alman ew û 2 dîplomatên payebilind ên Ewropayê bêyî ku hincetekê nîşan bidin, demekê binçav kirin.
Hevdîtinên nukleerî yên li vîyana di navbera Çîn, Almanya, Fransa, Îngilîstan û Îranê de pêk tê.
DYA jî bi aweyekî neraste rast beşdarî hevdîtinan dibe.
Washington ku di serdema Serokê berê yê Amerîkayê Donald Trump de, Gulana 2018’an bi awayekî yekalî ji peymanê vekişiya.
Amerîka dixwaze Îran çalakiyên xwe yên nukleerî bidawî bike û li peymanê vegere.
Tahran jî dibêje divê despêkê cezayên li ser hatine ferzkirin bêne rakirin.
Hêjayî bibîrxistinê ye, Borrell ragihandibû ji ber destwerdanên ji derve danûstandin di 11’ê Adarê de, hatine rawestandin.
