Li Pakistanê aloziya siyasî ya navbera alîgirên Partiya serokwezîrê berê Xan û polîsan de kêm nabe. Li paytext Îslamabad pevçûnên dijwar rûdan. Piştî paytextê li Lahore û Karaçî jî xwepêşandan pêk hatin.
Xan jî meşa xwe bidawî kir û ji bo biryara hilbijartinê jî 6 roj wext da hikumetê.
Ji meha Nîsanê ve li Pakistanê krîza siyasî ya xwe dayî hîskirin dijwartir bûye.
Piştî Serokê partiya PTI Îmran Xan ji erkê serokwezîrtiyê hate girtin, aligirên wî rojane dadikevin qadan.
Doh careke din li paytext Îslamabad jî di nav de, li bajarêndin yên welat di navbera alîgirên Xan û polîsan de pevçûn derketin.
Li Paşawer jî alîgirên xan derketin li ser pirê û rê li çûn û hatinê girtin.
Bi sedan kesên kombûyîn ji bo piştevaniya Xan berê xwe dan paytext Îslamabad.
Mudaxeleya herî tund a polîsan li hemberî alîgirên partiya Serokwezîrê berê Îmran Xan li Karaçî pêk hat.
Li vir pevçûnên dijwar rûdan.
Polîs ji bo belavkirina xwepêşandêran, gaza rondikrêj bikar anî.
Li Lahore jî xwepêşandan hebûn.
Hat ragihandin xwepêşanderan li paytextê dar û wesayît şewitandin û tîmên agirkuj yên ji bo vemirandina şewatê hatine jî bûne armanca êrişa xwepêşandêran.
Xan ji bo biryara hilbijartinê dem da hikumetê
Serokwezîrê berê Îmran Khan li Pakistanê meşa xwe ya li paytext Îslamabadê bi dawî kir û got:
Ez ji bo diyarkirina dema hilbijartinê 6 rojan dem didim hikumetê.
Divê parlamento jî were betalkirin.
Xan 10 nîsanê ji erkê serokwezîrtiyê hatibû girtin
Hêjayî bibîrxistinê ye, Hikûmeta Îmran Xan ku di encama dengdana pêbaweriyê ya ku 10’ê Nîsanê li Parlamentoya Pakistanê hatibû kirin de 174 dengên na wergirtibû.
Şehbaz Şerîf birayê Newaz Şerîf ê ku 3 dewran li welêt serokwezîrtî kiriye.
Şerîf, di hilbijartina 11’ê Nîsanê ya li Meclisê de, bi piraniya mutleq bi 174 dengan wek serokwezîr hat hilbijartin.
