Di nava Îsraîl û Îranê de gefxwarin gihiştiye asta herî jor.
Îsraîl ji êrişa 22’ê Gulanê ya li paytexta Îran Tahranê ku li dijî endamê Muhafizê Şoreşê yê Îranê Xudayî tê tewambakirin.
Çapemeniya DYA jî îdia kir ku Îsraîl li pêkanîna vê bûyerê mikur hatiye.
22’ê Gulanê li paytexta Îran Tahranê li dijî Albay Seyyad Xudayî yê endamê Artêşa Pasdarên Şoreşa Îranê êrişek hate kirin.
Li gor nûçeya rojnameya “New York Times” a Amerîkî ku çavkaniya xwe spartî berpirsekî Îstixbareta Îsraîlê eşekre kiriye ku li pişt kuştina Xudayî ew hene.
Îsraîl îdia dike ku Xudayî yê hatî kuştin cihê xwe di nava “Yekîneya 840” a ji bo oparasyonên revandin û kuştina li dijî biyaniyan de cihê xwe digre.
Îsraîlê ji bo DYA diyar kir ku wan bi vê yekê xwestine rêveberiya Tahranê hişyar kiriye.
Karbidestên Îsraîlî îdia kirin ku Albay Xudayî di van 2 salên dawî de ji hewildanên kuştina sîvîlên Îsraîlî, Ewropî û Amerîkî û karbidestên hikûmetê yên li welatên mîna Kolombîya, Kenya, Etiyopya û Îmaratê berpirs e.
Derketina agahiyên nepenî yên ku ji Amerîkiyan re hatine dayîn, tevlihevî û hêrsê li Tel Avîvê derdixe
Ji aliyeke din ve rojnama “Jerusalem Post” a Îsraîlî nivîsî ku eşkerebûna zanyariyên nehênî yên rayedarên Îsraîlî ji aliyê rojnameya New York Times ve hatî belavkirin bûne sedema tevlihevî û hêrsa rêveberiya Tel Aavîvê.
Hat ragihandin rayedarên ewlehiyê yên Îsraîlê yên ku li benda ravekirina Washingtonê ya der barê mijarê da bûn, bi fikar bûn ku Îran di berdêla kuştinê da Îsraîliyên li derveyî welêt bike hedef.
Piştî kuştina zanyarê nukleerî Muhsin Fexrizade ya di Mijdara 2020’an de, ev êriş bû ya herî zêde li nava welat deng vedayî.
Bi taybetî Serokomar Îbrahîm Reîsî û Fermandarê Giştî yê Pasdarên Şoreşê Sererkan Orgeneral Husên Selamî, Îsraîl bi vê êrîşê tometbar kiribûn.
Rêveberên Îranê soza tolhildanê jî dabûn.
