HPG êrişa artêşa Tirk li herêma Bamernê weke komkujî binav kir û got;
Di êrişê de 3 welatiyên me şehîd bûn. Di nava wan de 2 zarok hene.
Tevî ku rastî eşkere ye jî PDK’ê bi nûçeyên derw sûcê xwe ê hevkariya li gel dagirkeran vedişêre.
Navenda Ragihandin û Çapemeniyê ya HPG’ê têkildarî êrişa li herêma Bamernê daxuyaniyek da.
Di daxuyaniyê de tê gotin;
26’ê Gulanê artêşa Tirk êrişî gelê me kir. Di encamê de 2 jê zarok 3 welatiyên me şehîd ketin. Em ji malbata hersê şehîdên Kurdistanê û tevahiya gelê me re sersaxiyê dixwazin.
Encama vê komkiyê, pêwendiya PDK’ê ya bi dewleta Tirk a dagirker re careke din eşkere bû.
Navenda Raginandinê bal kişand ser belavkirina nûçeyên ne rast û wiha dewam kir:
Hin rayedarên PDK’ê û çapemeniya wê hewl dan bûyerê bixin stuyê gerîla.
Ev hewldan encameke tirsa ji nerazîbûna mafdar a gelê me ye.
Lê belê gelê me ji ber ku bi xwe rastî dîtiye û pê zane, guh neda van sûcdariyan.
Di rewşeke wiha de, PDK a ku komkujiyên dagirkeran timî rewa nîşan dide, divê êdî dest ji vê helwesta xwe ya şaş berde.
HPG: PDK’ê bi rêya provokasyonan amademariya şerê navxweyî dike
Navenda Ragihandinê diyar kir ku PDK’ê ji bo bi ser komkujiyên dewleta Tirk bigre, a ji destê wê ti dike û got:
Ji bo pêşî li têkçûna dîrokî ya artêşa Tirk were gitin, hewl tê dayin ku bi destê hin hêzên li nava PDK’ê provokasyon bêne kirin.
Bi vî rengî amadekariya şerekî nava Kurdan tê kirin.
Beriya niha jî di çapemeniyê de hatibû weşandin ku PDK ji bo peydakirina şer di nava planên qirêj de ye.
24’ê Gulanê hin hêzên PDK’ê li herêma Goşinê ya Sidekanê bi ser nuqteyeke me ya gerîla ve çûn, xwestin şer biqewime û bi vî rengî provokasyon kirin.
Lê ev yek di encama hişyarî û baldariya gerîlla de hate astengkirin.
Artêşa Tirk 25’ê Gulanê ji ser qadên di bin kontrola PDK’ê de ji bejahî û hewayî ve êrişî Girê Hakkarî yê li herêma Metînayê kir.
26’ê Gulanê jî leşkerên Tirk bû hedefa hêzên me.
Di vê çalakiyê de 2 leşker hatin kuştin.
Agahiyên ku dibêjin ‘gerîla êrişî hêzên PDK’ê kirine’ bi temamî ji rastiyê rûd in.
Siyaseta PDK’ê û çapemeniya wê tenê wê rê li ber peydakirina şerekî navxweyî veke.
Eşkere ye ku felaketeke bi vî rengî wê li Kurdistanê bibe sedema nearamî û hilweşîneke mezin.
Em bang li PDK’ê dikin ku dest ji vê helwesta xwe ya şaş berde.
