YPJ’Ê NASNAMEYAN 2 ŞERVANAN EŞKEREKIR

by ehmad aseed
437 views
Navenda Ragihandin û Çapemeniyê ya YPJ`ê bi daxuyaniyekê nasnameya du şervanên YPJ`ê ku di demên cuda de şehîd bûne eşkere kir.

Navenda Ragihandin û Çapemeniya YPJ`ê bi daxuyaniyeke nivîskî nasnameya du şervanên YPJ`ê yên ku di demên cuda de li Hesekê şehîd bûne eşkere kir.

Navendê di daxuyaniya xwe de wiha got:

Tekoşîna gelê Bakur û Rojhilatê Sûriyê, bi rastiya şehîdan, xwe gihand vê qonaxa dîrokî.

Di şerê 8 salên derbasbûyî de me bi hezaran hevalên bi rûmet, di oxira parastina gel û xaka pîroz de da.

Tişta ku ket ser gelê me, bi fedekarî, bi rihê welatparêz, ked da, xwîdan rijand û zarokên xwe yên hêja diyarî şoreşa mirovahiyê kirin.

Me weke Yekîneyên Parastina Jinê (YPJ), di meşandina tekoşînê de ked û hewl da em li gorî rastiya gelê xwe bin.

Heval Sarya û Hîvda bi vê hişmendiyê têkoşiyan û bi moraleke bilind şerê azadiyê meşandin û di vê oxirê de şehîd bûn.

Navendê ji malbatên şehîdan re sersaxî xwest û soza pêkanîna xewnên şehîdan dubare kir.

Li gorî navendê nasnameya şehîdan wiha ye:

Nasnav: Hivda Pirosî

Nav û paşnav: Rojbin Akdogan

Cih û dîroka jidayîkbûne: 1998/Şirnex

Navê dayikê: Sarya

Navê bav: Hazim

Cih û dîroka şehadetê: 6-6-2019/HESEKÊ

*****

Nasnav: Sarya Dersim

Nav û paşnav: Songul doguç

Cih û dîroka jidayîkbûne: 1981/AMED

Navê dayikê: Meysa

Navê Bav: Feyzi

Cih û dîroka şehadetê: 22.1.2015 / HESEKE