Çîçek Kobanê, tevî welatiyeke Sûrî, 3 sal in li Tirkiyê girtî ye. Dadgeha Tirk Rihayê cezayê heta hetayê yê girankirî û 10 sal û 10 meh cezayê girtîgehê li Dozgîn birîbû.Ev ceza ji aliyê Daîreya Cezayê 3’yemîn a Dadgeha Bilind ve jî hate qebûlkirin.
Dozgîn Temo ku bi nasnav Çîçek Kobanê ji Kobanê ye.
Ji bo parastina civak û axa welatê xwe erka berpirsyar hilgirtibû ser milê xwe.
Di dema êrişên dewleta Tirk li Serê Kaniyê û Girê Spî ya 2019’an, Çîçek li gundê Mişerfa ya Eyn Îsayê bi birîndarî ji aliyê çeteyên dewleta Tirk ve dîl tê girtin.
Çetyan jî weke ku jinek girtine, bi qêrîn û kêfxweşî vîdoyek li ser malperên civakî belav kiribûn.
Piştî dîlgirtinê, Çîçek ji Sûriyê hat revandin û ji wê demê ve li Rihayê yê Bakurê Kurdistanê girtiye.
Vê bûyerê di serî de malbat û rê li ber nerazîbûna hemû civakê vekir.
Tevî Çîçek welatiyek Sûrî ye ji 2019’an ve û heya niha 3 sal in girtiye.
Ji ber bêmafiyê, tevî cara yekê bû Çîçek di Hezîrana 2020’an de bi riya vîdoyê ji zindanê beşdarî dadgehê bû.
Gelek caran dayîka Çîçekê, Wehîda Osman bang li rêxistinên mirovî û navdewletî kiriye ku destwerdanê vê dijhiqûqiyê bikin.
Di gotineke xwe de jî Wehîda wiha dibêje; ”Keça min bi karê mirovî radibû û alîkariya sivîlan dikir, birina wê ya li Tirkiyê û dadgehkirina wê ne qanûnî ye”.
Tevî vê yekê jî weke ku ev gotin di ber guhan re derbas nebûye û nehat bihîstin hat dîtin.
Tevî demeke dirêj e Çîçek girtiye lê heya niha jî mafê hevdîtinê yê malbatê tê astengkirin.
Dadgeha Rihayê bi îdiaya ku “yekitî û yekparebûna welat û dewletê xera kiriye” cezayê heta hetayê yê girankirî û 10 sal û 10 meh cezayê girtîgehê li Dozgîn birîbû.
Dadgeha Îstînafê ya Dîlokê ya Tirk jî di 11’ê hezîrana 2021’an de cezayê Dozgîn Temo erê kiribû û şandibû Dadgeha Bilind a Tirk.
Daîreya Cezayê 3’yemîn a Dadgeha Bilind jî di Çileya 2022’an de cezayê Dozgîn Temo erê kir.
Dewleta Tirk bi riya van sûcan zagonên navnetewî binpê dike û cezakirina welatiyê Sûrî li Tikriyê zêdeyî 100 derbas kiriye.
Hîna jî welatiyên Sûrî yên li Tirkiyê bi hincetên cuda tên girtin û cezayên giran li wan tê birîn.
