Li Qudsê di meşa alê de 45 kes birîndar bûn
Li Qudsa di bin kontrola Îsraîlê de ye, Cihûyên fanatîk bi boneya Roja Qudisê, Meşa Alê pêk anîn.
Di pevçûnên rûdan de, 5 polîs û 40 Filîstînî birîndar bûn.
Di bûyerên qewimîn de bêtirî 50 kes hatin binçavkirin, di bûyerên li Şerîa Rojava de jî 145 kes birîndar bûn.
Doh li Qudisê cihûyan Meşa Alê lidar xistin.
Di dema pêkanîna meşê de, di navbera cihû û filîstîniyan de pevçûn derketin.
Alozî li ber Deriyê Şamê bi kombûna cihûyan re despê kir.
Ev alozî bi despêkirina meşê re zêdetir bû.
Di bûyerên ku heta niha qewimîn de 5 jê polîs 40 filistînî bi hiştî 45 kes birîdnar bûn.
Bêtirî 50 kes jî hatin binçavkirin.
Di daxuyanîya ku ji aliyê Heyva Sor a Filistînê ve hat dayîn de hat diyarkirin ku ji 40 birîndaran 15 kes rakirin nexweşxaneyê.
Bêtirî 50 hezar kes beşdarî meşa alê bûn
Polîsên Îsraîlê têkildarî bûyerê daxuyaniyek parvekir û wiha got:
“Polîs ji bo parastina nîzam û ewlehiyê li herêmê bi bersiveke bi biryar û bê tawîz li hember her tundî û alozî kar dike.”
Berdevkê polîsan diyar kir ku ew texmîn dikin bêtirî 50 hezar beşdarî Meşa Alê bûne.
Serokwezîr Benett: Sebrê nîşa kesê nedin
Di daxuyaniya Ofîsa Serokwezîrê Îsraîlê Naftali Benett da hat destnîşankirin ku wî ferman daye hêzên ewlehiyê ku di Meşa Alê de “ji tundî û provokasyonên tundrewan re sebir nîşan nedin.”
Di daxuyaniyê de hat gotin, “Tevahî bûyerên şîdetê wê bi hemû cidiyetê ji aliyê dozgeriyê ve were şopandin.”
Li Taxa Şêx Cerrah pevçûn
Li Taxa Şêx Cerrah a li Qudsa Rojhilat di navbera Cihûyên fanatîk û Filistîniyan de pevçûn derket.
Hat ragihandin ku Cihûyên fanatîk li Şêx Cerrahê bi keviran êrîşî Filistîniyan kirin.
Li Taxa Îsawiye ya Qudsa Rojhilat, Filistîniyan êrişî 2 otobusên Îsraîliyan kirin.
Hat dîtin ku yek ji otobusan di dema ajotinê de şewitî.
Di nûçeyên di çapemeniya Îsraîlê de hat dayîn de hat diyarkirin ku otobusên navborî bi xeletî ketine taxê û di otobusan de rêwiyên otobusan tune bûn.
Di bûyerên li Şerîeya Rojava de 145 kes birîndar bûn
Li hemberî Meşa Ala ya li Qudsê, li gelek nuqteyan di navbera Filistîniyên ku li herêma Şerîaya Rojava ya Filistînê û hêzên Îsraîlê de, pevçûn derketin.
Di daxuyanîya ku ji aliyê Heyva Sor a Filistînê ve hat dayîn de hat ragihandin ku li noqteyên cuda yên Şerîeya Rojava de, 18 ji wan bi guleyên rastî bi tevahî 145 Filistînî birîndar bûne.
Par di heman mehê de, ji ber şerê navbera Îsraîl û Filistînê ku 11 rojan dewam kir de, 250 filistînî û 13 Îsraîliyan jiyana xwe ji dest dan.
