Di demekê ku welatên Rojava û endamên NATO li dijî êrişa Rûsya ya ser Ukrayna radibin de, gefên Tirkiye li dijî Kurdan rawa dibînin. Sekreterê Giştî yê NATO fikar û êrişên dewleta Tirk weke mafekî rawa pênase kir.
Swêd jî dibêje, ger Enqere endamtiya me ya bo NATO erê bike, em ê ambargoya firotina çekan ser wî rakin.
Êrişa li dijî xaka Ukraynayê, binpêkirina qanûnên navdewletî û mafê mirovan e.
Wêrankirina welatekî ye.
Koçberkirina bi mîlyonan mirovî ye.
Ne rewa ye.
Li hemberî her cûreyên êrişên Rûsyayê, em ê piştgiriyê bidin gelê Ukrayna.
Amerîka, Yekîtiya Ewrûpa û NATO wiha nerazîbûn nîşanî êrişên Rûsyayê didin.
Bi gotineke din li hemberî neheqiya li gelê Ukraynayê tê kirin, van hêzan xwe weke hêviya heq û edaletê nîşan dan.
Lê êdî diyar dibe ku ev helwest tenê di berdêla parastina berjewendiyên wan e.
Lewma dem yek ji hevkarên wan, ango endameke NATO bi êrişeke wiha rabe, li gorî wan dibe maf.
Herî dawî şefê rêjîma vî welatî li pêş çavên cîhanî eşkere kir ku ew ê êrişî Bakur Sûrî û bi taybet Rojavayê Kurdistanê bikin.
Ji mînakên dagirkirina Efrîn, Serêkaniyê û Girê Spî jî diyar dibe ku wê êrişeke nû dîsa rê li ber kuştina bi hezaran û koçberkirina bi deh hezaran kesî veke.
Tevî vê metirsiya mezin jî ev hêzên cîhanî êrişa dewleta Tirk weke mafekî rewa dibînin.
Sekreterê NATO Jens Stoltenberg careke din eşkere êrişên dewleta Tirk weke mafekî rawa pênase kir.
Stoltenbergê ku rêxistina wî NATO Cebeh El Nusra weke terora herî bi xeter qebûl kiriye, hebûna wê li ser sînorê Tirkiyê metirsî nabîne, lê ji bo Kurdan dibêje;
Ya Tirkiyê dike, mafekî rewa ye.
“Di berdêla erêkirina Tirkiyê de, em ê çekan bifroşin”
Diyar e ku ev helwesta Stoltenberg şertê esasî yê hevalbendiya rêxistina NATO’yê ye.
Lewma Swêd a ku hewl dide bibe endam, ji niha ve peyamê dide ku ew ê berdêla berjewendiyê xwe de, heman siyasetê birêve bibe.
Wezîra Karê Derve a vî welatî Ann Linde diyar kir ku eger Tirkiyê destûrê bide endametiya wan a NATO’yê, ew qedexeya firotina çekan ji bo Enqerê bidawî bikin.
Başe Swêd kengî û ji ber çi ambargo danî ser Tirkiyê.
Cotmeha 2019’an dema êrişa dagirkirina Serêkaniyê û Girê Spî, heman Ann Linde biryara welatê xwe wiha eşkere kiribû:
Êrişa Tirkiyê binpêkirina huqûqa navneteweyî ye.
Û niha tevî ku wê Tirkiyê bi heman armancê êriş bike jî Swêd di berdêla berjewendiyên we de wê ji bo kuştina mirovan û dagirkirina axa wan çekan bifroşe Tirkiyê.
