Di nav artêşa Ukraynayê de ji 55 welatan leşkerên li dijî Rûsyayê şer dikin hene.
Koma herî mezin a van leşkerên biyanî hemwelatiyên DYA û Brîtanî ne.
Di şerê Ukrayna yê li dijî Rûsyayê de ji nêzî 55 welatan kes beşdarî artêşa Kîevê bûne.
Di bersiva pirsa ajansa nûçeyan a Almanî dpa de, berdevkê Lejyonên Navdewletî li Ukraynayê got,
Em dikarin piştrast bikin ku lejyonerên Almanî jî li vir in, lê em nikarin li ser amarên rast şîrove bikin.
Lejyona Navneteweyî ku saziyeke giştî ya girêdayî dewleta Ukraynayê ye, di destpêka meha Hezîranê de kuştina leşkerekî Alman ragihandibû.
Di daxuyaniya berê de hatibû eşkerekirin ku di nav çekdarên biyanî de 2 komên herî qelebalix hemwelatiyên Dewletên Yekbûyî yên Amerîkayê (DYA) û Brîtanyayê ne.
Piştî wan Polonî û Kanadayî tên.
Ukrayna: Ne çekdarên kirêkirî, ew dilxwazin
Hat ragihandin ku di nav şervanên biyanî yên li ser navê Ukraynayê beşdarî şerê çekdarî bûne de, Brezîlyayî, Awustralyayî, Koreya Başûr, welatiyên welatên Baltîkê û welatiyên gelek welatên Ewropayê yên Bakur bi taybetî Fînlandiyayê jî hene.
Berdevkê Lejyona Navdewletî Damien Magrou got, şervanên biyanî yên navborî ne kirêkirî, beşek ji artêşa welatin.
Magrou bal kişand ser wê yekê ku lêçûnên legyona navborî ji butçeya Wezareta Parastinê ya Ukraynayê tê dayîn.
Serokê Ukraynayê Volodymyr Zelensky jî bang li dilxwazên cîhanê kiribû ku beşdarî şerê li dijî artêşa Rûsyayê bibin.
Rûsya: Em bi taybetî çeteyên kirêkirî dikin armanc
Di daxuyaniyên ku ji aliyê yekîneyên leşkerî yên Rûsyayê ve tên dayîn de, gelek caran behsa “tinekirina çeteyan” tê kirin.
Moskowê ragihand ku bi hezaran biyaniyên ku li ser navê Ukraynayê şer kirine hatine kuştin û gelek jî dîl hatine girtin.
Berdevkê Wezareta Parastinê ya Rûsyayê Îgor Konaşenkov diyar kir ku gelek caran leşkerên biyanî bi taybetî bûne armanca wan.
Konaşenkov di meha Adarê de gotibû:
“Beşek welatên rojavayî piştgirîya hemwelatîyên xwe dikin da ku li dijî hêzên me şer bikin.”
Lê Rûsyayê jî ragihandibû ku wê kesên biyanî jî tevlî refên wê bibin û diyar kir ku wê hêzên ji Sûrî jî hebin.
Di nav welatên ku dikarin bi rêya nûnertiyên Ukraynayê serlêdanê bikin, tevî gelek welatên rojavayî, welatên wekî Iraq, Perû, Îsraîl, Kuba, Koreya Başûr, Vîetnam û Hindistanê jî hene.
Lê balkêş e ku Tirkiye di lîsteyê de nîne.
