Gelo Tirkiye wê bibe qada nû ya şerê Îsraîl-Îranê?

Îsraîl û Îran qadên xwe yên gefxwarinê berfireh kirine.
Aloziya navbera van welatan, derbasî qadeke nû bûne.
Îsraîl ji welatiyên xwe re dibêje, serdana Tirkiyê nekin û yên li wir jî vegerin.
Îran jî dibêje, ew ê sozên xwe yên tolhildanê pêk bîne.
Ev rewş wê bandoreke çawa li têkiliyên Enqere-Tehranê û pêvajoya nêzîkbûna Tirkiye û Îsraîlê bike, di nava demên pêş de wê xuya bike.

Di wextekî ku aloziya navbera Îsraîl û Îranê zêde dibe de, Tirkiye ji xwe ketiye nava metirsiyê.

Gefxwarinên Îran yên li dijî Îsraîlê, rêveberiya Til Evîvê xistiye nava fikaran.

Ji ber wê yekê, Îsraîl dixwaz ji welatiyên xwe yên li Tirkiyê dike ku vegerin welat.

Ya diyar ew e ku ev alozî wê bandoreke raste rast li têkiliyên Tirkiye-Îran û Tirkiye-Îsraîl bike.

Wezîrê Karên Derve yê Îsraîlê Yair Lapid duh daxuyaniyek da û bang li Îsraîliyên li Tirkiyeyê kir ku vegerin welatên xwe.

Lapid diyar kir ku Îran xwe amade dike êrîşî welatiyên Îsraîlê bike û ji hemwelatiyên xwe re wiha got;

Di zûtirîn dem de ji Tirkiyeyê derkevin.

Metirsiyek rast û nêzîk heye.

Li gorî medyaya Îsraîlê, Enqereyê çeteyeke Îranî ya ku amadekariya êrîşa li ser hedefên Îsraîlê dike derxistiye holê.

Hate destnîşankirin ku hişyariya seferê ya Wezîrê Karên Derve Yaîr Lapîd a ji bo welatiyên xwe rojek piştî ku nûçeya çeteyê di çapemeniya Îsraîlê de cih girt, pêk hat.

Ji ber heman sedemê Konseya Ewlehiya Neteweyî ya Îsraîlê di dawiya meha borî de hişyariya seferên dabû Tirkiyê dabû.

Piştî daxuyaniya Wezîrê Îsraîlî Lapid, duh bi şev Wezîrê Derve yê Tirkiyê Mewlûd Çawîşoglu bi Wezîrê Derve yê Îranê Huseyîn Emîr Ebdullahiyan re bi telefonê axivî.

Lê der barê hevdîtinê de agahî nehat dayîn.

Ji tevgera heyî xuya dike ku Îran li ser xaka Tirkiyê xwe ji êrişeke li dijî welatiyên Îsraîlê re amade dike.

Ya li vir derdikeve pêş pirsa, gelo Tirkiye dibe qada şer a ji bo aloziyên Îsraîl û Îranê? ye.

Back to top button