NATO, derdorê li Rûsya teng dike.
Berfirehkirina sînor û beşdarbûna endamên nû yên nava NATO vê yekê nîşan dide.
Sekreterê Giştî yê NATO Stoltenberg ragihand ku piştî şerê cîhanê yê 2. ew di nava zehmetiyek mezin de ne û got:
NATO wê ji nûve biguhere û wê Rûsya weke gefa herî mezin were destnîşankirin.
Sekreterê Giştî yê NATO Jens Stoltenberg beriya civîna vekirinê ya Lûtkeya NATOyê ya ku li paytexta Spanya Madrîdê tê lidarxistin, ji çapemeniyê re axivî.
Jens Stoltenberg got,
“Em wek hevalbend di nava krîza herî giran a ewlehiyê ya ku heta niha pê re rû bi rû mane de tên cem hev.
Ev wê bibe krîzeke dîrokî û veguherîner.”
Stoltenberg bi bîr xist ku belgeya Konsepta Stratejîk a NATOyê wê di vê lûtkeyê de biguhere û ev tişt anî ziman:
“Rûsya wê êdî ji bo ewlekariya hevpeymaniyê wek “tehdîdeke rasterast” bê dîtin.
Sekreterê Giştî yê NATO, da zanîn ku wê tedbîr û berevanî bên xurtkirin û bi bîr xist ku wê hêz û yekîneyên pir bi amedekarî yên di formasyonên şer de û malzemeyên leşkerî yên berê hatine bicihkirin bên amadekirin.
Jens Stoltenberg diyar kir ku ew li bendê ne sala bê, hêza amadekirî ya ji 300 hezar leşkeran pêk tê wê amade be.
Ev yekîne wê li welatên xwe amade bin û lêçûn jî ji aliyê welatên cuda yên hevpeyman ve were fînansekirin.
Stoltenberg: Em ê îro biryarên dîrokî bidin
Stoltenberg da zanîn ku belgeya Konsepta Stratejîk a 2010’an di Civîna Bilind a Lîzbonê de hat qebûlkirin, wê bê guhertin û got:
Em ê îro biryarên dîrokî bidin.
Wê demê Çîn bi gotin ne hatibû diyarkirin.
Lê vê carê wê Çîn weke ceribandineke dijî NATO û Rûsya jî gefa herî mezin were dîtin.
Lîderên Swêd û Fînlandiya yên 18’ê Gulanê serlêdana fermî ya endamtiya NATOyê kirîn jî di lûtkeyê de amade ne.
Her wiha rewşa li Ukrayna û piştevaniya bo wê jî wê were nîqaşkirin.
