19’ê Tîrmehê nêz dibe û ji niha ve amadekarî û çalakî dest pê kirine.
Tevgera Çand û Hunera Demokratîk a Mezopotamyayê û Hîlala Zêrîn ji bo vê rojê wekî her sal û li gorî rewşê amadekariyên xwe dikin.
Hevserokê TEV-ÇAND’ê Ednan Ibrahîm têkildarî şoreşa 19’ê Tîrmehê axivî û got,
“19`ê Tîrmehê bû vejîneke nû ji gelan re, bû vejîna aştî û demokrasiyê ku ew jî bi saya fikrê Rêber Apo pêk hat.”
Ibrahîm diyar kir vê salê careke din gefên dewleta Tirk a dagirker dewam kirin û ev got:
“Ji ber gel û hêza me ya leşkerî biryara şerkirina li hember êrişên dagirkeriyê daye, em ê jî pîrozbahiyên xwe nesekinînin, em amadekariyên girseyî dikin.”
Ednan Ibrahîm dawiyê da zanîn dibe ku şahî di heman rojê de yan rojekê berî yan jî piştî wê, pêk were.
