Zarok, tên jibîrkirin û krîzên jiyanî yên heyî bandoreke zêde li wan dikin.
Rêxistinên WHO û UNICEF li ser mijarê metirsiyên heyî bi raporekê eşkere kir.
Rêrxistinan gotin, 25 mîlyon zarok li seranserê cîhanê nikarin ji yek an ji çend derziyên li dijî nexweşiyên zarokan bikar bînin.
Rêxistina Tenduristiyê ya Cîhanê ya Neteweyên Yekbûyî (WHO) û Fona Alîkariyê ya bo Zarokan (UNICEF) di nava 30 salên dawî de rêjeya derzîkirina zarokan kêm bûye.
Rêxistinan di rapora xwe ya li ser mijarê de, ragihandin ku li pişt vê kêmbûnê krîza Covid-19 û agahiyên nerast.
Rêjeya zarokên ku her sê dozên derziyê li dijî dîfterî, tetanos û felcê di sala 2019’an de distandin ji sedî 86 bû, di sala 2021’an de ev rêje daket ji sedî 81’ê.
Ev derzî li çar aliyê cîhanê wekî nîşaneyek girîng tê bikar anîn.
Ev kêmbûna ku di sala 2020 û 2021’an de hatî tomar kirin, piştî başbûna 10 salan tabloyek neyînî dertîne holê.
Seroka UNICEF’ê Catherine Russell di daxuyaniyeke nivîskî de got,
“Ev ji bo tenduristiya zarokan xeteriyek mezin nîşan dide.
Em dibin şahidê kêmbûna herî mezin a domdar a derzîkirina zarokan.
Encam wê bi hejmara jînê were pîvandin.”
Hate diyarkirin ku di sala 2021’ê de li dijî her sê nexweşiyan nêzî 25 mîlyon zarokan yek an jî zêdetir derziyên xwe lixwe nedane. Li gorî sala 2020’an tê dîtin ku 2 mîlyon mirov, li gorî sala 2019’an 6 mîlyon kes zêde bûne.
Ji 25 mîlyon zarokan 18 mîlyon tenê dozek wergirtine, pirraniya wan li welatên dahata navîn û kêm, di serî de Hindistan, Nîjerya, Endonezya, Etiyopya û Fîlîpînê ne.
Li gorî raporê, gelek sedemên vê kêmbûnê hene:
Şer, zêdebûna agahdariya çewt û derketina Covid-19.
Dihat hêvîkirin ku piştî karantînayê sala 2021’ê di vî warî de tevgerek pêk were, lê di şûna wê de, rêjeyên derzîkirinê li hemû deverên cîhanê kêm bûn.
Di raporê de hat gotin ku ev kêm derzîkirin di 12 mehên bihurî de rê li ber derketina nexweşiyên sorik û felcê vekiriye.
Di sala 2021”ê de nêzîkî 24,7 mîlyon zarok yekem doza xwe ya sorikê nekirine.
Ev tê wê wateyê ku li gorî sala 2019’an 5 milyon zarok zêdetir in.
Catherine Russell got,
“Pêdivî ye ku em bi milyonan zarokên nehatine derzî kirin cihê wan tije bikin û derzî bikin.
An wê zextek mezin li ser pergalên tenduristiyê çêbibe û gelek nexweşî derkevin holê.”
