Bernama nukleerî ya Îranê, di serdana yekem a Serokê Amerîka Biden ya ji bo Îsraîlê de di rojeva sereke de bû. Serokwezîrê Îsraîl Lapid got, “Tişta ku wê Îranê rawestîne bikaranîna hêzê ye”Biden jî îşaret bi dîplomasiyê kir. Serokkomarê Îranê Reîsî jî bersiva peyamên gefxwarinên li dijî welatê wî hatine kirin da û got: “Yên şaştiyê bikin, wê poşman bibin.”
Piştî hevdîtinên Serokê DYA Joe Biden û Serokwezîrê Îsraîlê Yair Lapid “Deklarasyona Qudsê” ya rojeva sereke Îran bû hate îmzekirin.
Daxuyaniyê pabendbûna bihêz a Amerîkayê li ser ewlehiya Îsraîlê dupat kir.
Ev yek tevî ku Waşîngton pabendî wê yekê ye ku “hemû hêmanên hêza xwe ya neteweyî” bikar bîne da ku nehêle Îran çekên navokî çêbike.
Piştî îmzekirina deklerasyonê, her du serokan civîneke çapemeniyê li dar xistin.
Biden di seredana xwe ya yekem a ji bo Îsraîlê ku di dema serokatiya Amerîkayê de got:
“Em rê nadin Îran bibe xwedî çekên nukleerî.”
Cûdahiya nêrîna her du rêberan li ser bikaranîna hêza leşkerî li dijî Îranê, balkêş bû.
Serokwezîrê Îsraîlê Yaîr Lapîd diyar kir ku ji bo rawestandina bernameya nukleerî ya Îranê divê civaka navneteweyî amade be ku hêzê bi kar bîne û got, “Dîplomasî nikare Îranê rawestîne.
Yekane tişta wê Îranê rawestîne ew e ku bizanibin ku cîhana azad wê hêzê bikar bîne.
Bernameya xwe ya nukleerî bidomînin.
Tenê rêya rawestandina wan danîna gefeke leşkerî ya li ser maseya danûstandinan e.
Biden: Em ê heta dawiyê li benda Îranê nemênîn
Biden jî di axaftina xwe de îşaret bi hewildanên wî yên ji bo vegera li peymana nukleerî ya bi Îranê re kir û ev tişt anî ziman: Amerîka wê heta hetayî li benda Îranê neraweste.
Reîsî: Yên şaştiyê bikin, wê berdêleke giran bidin
Tahran li pêşberî gefên Tel Evîv û Waşîngtonê bêdeng nema.
Serokomarê Îranê Îbrahîm Reîsî di dema pêşkêşkirina gotarek xwe de got;
“Gelê Îranê ti ne aramî û qeyranek li herêmê qebûl nake.
Emê bersiva her şaştiyeke ku ji aliyê Amerîka û hevalbendên wê yên li hemberî me pêk were bidin.
Yên şaştiyê bikin, wê poşman bibin.”
