Kesên ku êş ji çeteyên DAIŞ’ê dîtibûn, niha soza berxwedana li hemberî sûcên hovane û êrişên dagirkeriyê didin.
Jina bi navê Şemsa El-Yusif a kurê wê ji aliyê DAIŞ’ê ve hat kuştin da zanîn ku ew rastî hovîtiya DAIŞ’ê hatine, lewre jî ew ê rê nedin dagirkeriya Tirk ku herêma wan dagirbike.
Yek ji bajarên ku herî zêde rastî hovîtiya çeteyên DAIŞ’ê hat Minbic e.
Şemsa El-Yusif a 78 salî ya li Minbicê dijî xwedî serpêhatiyek bi êş e.
Di demên êrîş û komkujiyên ku DAIŞ’ê pêk dianî de kurê wê ji aliyê DAIŞ’ê ve hatiye kuştin.
Şemsa behsa zehmetiyên ku jiyane kir û got:
DAIŞ’iyan mala me dizîn, her tiştê ku ket ber destên wan parçe kirin.
Kurê min ji girtîgehek birin girtîgeheke din û piştî deh mehan wî kuştin.
Girtina kurê min û tiştên ku pê dan jiyîn hemû neheqî û bêedaletî bûn.
Wî li kolanê çar rojan daleqandin û nehiştin kesek ji me nêzî cenazeyê wî bibe.
Şemsa El-Yusif der barê hovîtiya ku DAIŞ’ê bi serê gel ve dianî de wiha anî ziman:
Ne mirî, ne yên sax û ne jî jinên ku herî zêde êşê dikişandin jê xilas nebûn.
Jinên ku bi darê zorê bi çeteyên DAIŞ’ê re dihatin zewicandin jî hema piştî mirina terorîstên DAIŞ’ê bi zorê bi kesek din re dihatin zewicandin û rastî îşkenceyan dihatin.
Şemsa der barê gefên dewleta Tirk a li ser Minbic û Til Rifetê de jî axivî û got:
Êdî em rê nadin tu şeran û em ê nehêlin ku DAIŞ careke din bi rûpoşa Tirkan vegere.
Em niha azad in, piştî ku me bêhna azadiyê girt, em vejiyan.
Dewleta Tirk niha dixwaze salên bi êş û komkujiyan li me vegerîne.
Em rastî neheqiyê hatin, em dixwazin jiyana me wekî niha bidome.
