Rêveberiya Biden tam berovajî ya selefê xwe Trump li Rojhilata Navîn dinêre. Serokê Amerîkayê Biden diyar kir ku ew ê li Rojhilata Navîn hevkarekî aktîf bimîne û got, “Em bi ti cihî de naçin.” Biden bang li lîderên ereba kir ku sîstemên parastinê yên hevbeş li dijî Îranê ava bikin.
Serokê Dewletên Yekbûyî yên Amerîkayê (DYA) Joe Biden di axaftina xwe ya li Civîna Ewlehî û Pêşketinê ya Cîddeyê ya li Erebîstana Siûdî bi beşdariya serokên welatên erebî pêk hat de axivî.
Joe Biden diyar kir ku ew ê hevkarekî çalak û dilsoz bi welatên Rojhilata Navîn re bimîne.
Biden bal kişand ser girîngiya hevkariyên li herêmê yên li dijî Çîn, Rûsya û Îranê û wiha got:
Em ê ji herêmê venekişîn ku valatiya çêbibe, ji aliyê Çîn, Rûsya û Îranê ve bê dagirtin.
Serokê Amerîkayê her wiha ji welatên herêmê xwest ku di hevpeymaniya dijî Îranê de sîstemên parastinê yên hevpar ava bikin.
Biden di axaftina xwe de bang li lîderên Ereb kir ku mafên mirovan weke hêza herî diyarker di veguhertina aborî û civakî de bibînin û got, “Amerîka bi biryar e ku li herêmê pêşerojeke erênî ava bike û bi we hemûyan re hevkariyê bike.
Em bi ti awayî ji herêmê naçin.”
Rêveberiya Biden tam dijberî polîtîkaya selefê xwe yê berê Donald Trump ya ji bo Rojhilata Navîn difikire.
Tê diyarkirin ku Joe Biden dixwaze li Rojhilata Navîn ku DYA jî di nav de ye serdemeke nû bide destpêkirin.
Herwiha ji aliyê pisporên peywendiyên navdewletî ve hatiye gotin, Amerîka hewl dide sîstemeke ku ji siyasetên leşkerî yên berê derbas bûye, rêzê li karûbarên navxweyî yên welatên herêmê bigire.
Lê tevî vê, hewl dide ku hevkariya aborî pêş bixe û sîstemên parastinê yên hevbeş li hember fikarên derbarê Îranê de pêk bîne.
Biden di vê lûtkeyê de bi şeş welatên Kendavê (Behreyn, Qeter, Kuweyt, Îmarat, Oman, Erebistana Siûdî), Misir, Urdun û Iraqê re hevdîtin pêk anî.
Di heman demê de ev serdana yekemîn a Biden e ku piştî hatina ser postê serokatiyê li Rojhilata Navîn pêk aniye.
Biden doh ji Erebistana Siûdî derket û serdana xwe ya çaralî ya Rojhilata Navîn bi dawî kir.
